2019-2020 وقۋ جىلىندا كوپبالالى جانە تۇرمىسى تومەن وتباسىلاردان شىققان تالاپكەرلەر ءۇشىن 5 مىڭ وقۋ گرانتى بولىنەدى. وعان قول جەتكىزۋ ءۇشىن تالاپكەر ۇبت بويىنشا شەكتىك بالدان جوعارى كورسەتكىش كورسەتۋى كەرەك. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.
– گرانتتار ۇبت قورىتىندىسى بويىنشا كونكۋرستىق نەگىزدە تاعايىندالادى. تالاپكەر ەگەر ۇلتتىق مارتەبەگە يە جوعارى وقۋ ورنىنا تۇسكىسى كەلسە – 65 بالدان, پەداگوگيكالىق عىلىمدار باعىتىنا سايكەس ماماندىق تاڭداسا – 60 بالدان, باسقا جوعارى وقۋ ورىندارى ءۇشىن 50 بالدان كەم جيناماۋى كەرەك, – دەدى ول.
ءمينيستردىڭ ايتۋىنشا, اۋەلى جالپى كونكۋرس بويىنشا بەكىتىلگەن وقۋ گرانتتارىنىڭ ناتيجەسى شىعادى. بيىل 53700-دەي گرانت بەرىلەدى. شامامەن 1 تامىزعا قاراي سول گرانت يەگەرلەرىنىڭ ەسىمى بەلگىلى بولادى. ۇمىتكەر بۇل تىزىمنەن ءوزىن تاپپاسا, بىراق جوعارىدا اتالعان ساناتقا كىرسە (كوپبالالى نەمەسە تۇرمىسى تومەن وتباسىدان شىقسا), قوسىمشا گرانت ءۇشىن ءوز ءوتىنىشىن بەرە الادى. وتىنىشتەر 5-10 تامىز ارالىعىندا قابىلدانادى. ونىڭ ناتيجەسى 25 تامىزعا دەيىن جاريالانادى.
ءوتىنىش قايدا تاپسىرۋعا بولادى
ءوتىنىشتى قايدا جانە قالاي تاپسىرۋ كەرەك؟