كوشەلەر جاڭارتىلادى

ۋربانيستيكا ورتالىعىندا «ەۋرازيا» اۋدانىن جاڭعىرتۋ جوسپارى جاسالىپ جاتىر. ول بويىنشا شاعىن اۋداننىڭ ءىرى كوشەلەرى وزگەرىسكە تۇسەتىن بولادى. قوعامدىق تىڭداۋدا ساتپاەۆ جانە پەتروۆ كوشەلەرىنىڭ قالاي تۇرلەنەتىنى تۋرالى ايتىلدى.

پەتروۆ كوشەسىنىڭ تروتۋارى تار. ۋربانيستيكا ورتالىعىنىڭ جەتەكشىسى ەلنار بازىكەننىڭ ايتۋىنشا, كوشەنىڭ تارلىعى جاياۋ جۇرگىنشىلەرگە قولايسىزدىق تۋدىرادى. ونىڭ ۇستىنە كورەر كوزگە قولاپايسىز دۇڭگىرشەكتەر, پاۆيلوندار اۋداننىڭ سيقىن كەتىرىپ تۇر
اكىمدىك جاياۋ جۇرگىنشىلەر جولىن رەتكە كەلتىرىپ, ترو­تۋاردى اباتتاندىرۋ جوس­پارلانعان.
«ادامداردىڭ دەمالۋىنا ارنالعان ورىندار بولۋ كەرەك. كوشەدە ىلىنگەن جارناما كوز قۋانتىپ تۇرۋى ءتيىس. توزىعى جەتكەن ۇيلەرگە جەڭىل-جەلپى جوندەۋ جۇرگىزىلىپ, اۆتوتۇراق جاسالۋى قاجەت» دەدى ەلنار بازىكەن.
جوسپار بويىنشا پەتروۆ كوشەسىنىڭ جاياۋ جۇرگىنشىلەرگە ارنالعان جولى 15 سم-گە بيىكتەتىلەتىن بولادى. اۆتوكولىكتەر ونى كەسىپ وتكەندە ەرىكسىز جىلدامدىعىن تومەندەتۋگە ءماجبۇر بولادى. بۇل – ادامداردىڭ قاۋىپسىزدىگى ءۇشىن جاقسى.
– جاياۋ جۇرگىنشىلەر جولى ادام­دارعا قولايلى بولۋى ءتيىس. تۇرعىنداردىڭ 30 پا­يىزى ەرەكشە قاجەتتىلىگى بار ادامدار, سونداي-اق قارتتاردىڭ, بالالاردىڭ دا جاعدايىن ويلاۋ كەرەك. ەۋروپا قالالارىندا جاياۋلار جولى قولايلى بولىپ سالىنعان. ءبىز سولاردان ۇلگى الۋىمىز كەرەك, – دەدى ورتالىق جەتەكشىسى.
جوبادا كوشە بويىمەن نوسەرسۋ كارىزىن جىبەرۋ جايى دا ەسكەرىلگەن. سونىمەن قاتار دۇكەندەردىڭ, باسقا دا بيزنەس نىساندارىنىڭ كىرەبەرىستەرى جاڭادان جاسالادى. قازىرگى كۇنى كاسىپكەرلەرمەن كەلىسسوزدەر جۇرگىزىلىپ جاتىر.
«ءبىز كاسىپكەرلەرگە نىساندارىنىڭ كىرەبەرىس اۋدانىن كەڭەيتۋگە مۇمكىندىك بەرەمىز. دەگەنمەن بۇل نىسانداردىڭ ءبارىنىڭ ديزاينى بىردەي بولۋى كەرەك» دەدى ول.
ال ساتپاەۆ كوشەسىنىڭ مۇڭايتپاسوۆ كوشەسىنەن مومىشۇلى كوشەسىنە دەيىنگى ارالىعى قايتا سالىناتىن بولدى. بۇل كوشە دە تار, سوندىقتان ەڭ ءبىرىنشى, ونىڭ ەنى كەڭەيتىلەدى.
«ساتپاەۆ پەن مۇڭايتپاسوۆ كوشەلەرىنىڭ قيىلىسىندا مونشا بار, ونىڭ ماڭىندا كولىكتەر كەرى بۇرىلىپ كەتەتىن تۇس بار. ونىڭ ەنى 8 مەتر, ال جاياۋلارعا ارنالعان تروتۋار­دىڭ ەنى 1 مەتردەن اسپايدى. جوبا بويىنشا ءبىز كەرى بۇ­رىلىس اۋماعىن 5 مەترگە دەيىن ازايتىپ, ودان الىنعان 3 مەتر جەردى تروتۋارعا قوسامىز» دەدى ەلنار بازىكەن.
ساۋلەتشىلەر كوشە بويىمەن جاپسارلاستىرىپ جاياۋ جۇرگىنشىلەر جولىن سالماقشى, وعان ءتۇرلى ساۋلەت نىساندارى, ساكىلەر قويىلادى. ساتپاەۆ پەن مۇڭايتپاسوۆ كوشەلەرىن ۆەلوجول جالعاپ تۇراتىن بولادى.
قازىرگى كەزدە ەكى جوبا دا قوعامنىڭ تالقىلاۋىنا ۇسى­نىلعان. جوبالاۋ اعىم­داعى جىلدىڭ سوڭىنا دەيىن جا­سالىپ ءبىتۋى ءتيىس. ال 2021 جىلى بيلىك كوشەنى جاڭعىرتۋعا كىرىسەدى.