بۇرناعى كۇنى استانا قالاسى اكىمدىگىنىڭ جانىنداعى مەملەكەتتىك رامىزدەر جونىندەگى كوميسسيانىڭ كەزەكتى وتىرىسى ءوتتى. وسىنىڭ الدىنداعى وتىرىستا اتالمىش كوميسسيا ءتورايىمى, قالا اكىمىنىڭ ورىنباسارى ايدا بالاەۆا شاھار مەكەمەلەرىنىڭ ماڭدايشالارى مەن كوشەلەردە ورنالاسقان رامىزدەردىڭ ءتيىستى زاڭ تالاپتارىنا سايكەستىگىن انىقتاۋ ءۇشىن رەيد جۇرگىزۋگە تاپسىرما بەرگەن ەدى.
رەيد قورىتىندىلارى تۋرالى بايانداعان ەلوردانىڭ ىشكى ساياسات باسقارماسىنىڭ باسشىسى بولات تىلەپوۆتىڭ سوزىنەن بۇل ماسەلەگە سالعىرت قارايتىن مەكەمەلەر مەن كاسىپكەرلىك نىساندار ءالى دە مولىنان ۇشىراساتىنى بەلگىلى بولدى. ولار – استانا قالاسىنىڭ زەينەتاقى تولەۋ مەن جىلجىمايتىن مۇلىك ورتالىقتارى, الماتى اۋدانىنىڭ ادىلەت دەپارتامەنتى مەن وسى اۋداننىڭ حالىققا قىزمەت كورسەتۋ ورتالىعى, قارجىلىق باقىلاۋ ينسپەكتسياسى, جەر قاتىناستارى باسقارماسى. مەملەكەتتىك رامىزدەرگە ءجۇردىم-باردىم قاراعان مەكەمەلەردىڭ قاتارىنا وسىلارمەن بىرگە استانا قالاسىنىڭ ادىلەت دەپارتامەنتىمەن قالا پروكۋراتۋراسى كىرگەن. بۇل مەكەمەلەردەگى ورتاق كەمشىلىك – ماڭدايشالارىڭداعى مەملەكەتتىك تۋ قاق ايىرىلعان, ەلتاڭباعا قاراڭعى مەزگىلدە جارىق تۇسپەيدى. سونداي-اق, بىرقاتار قوناق ۇيلەر مەن شەتەلدەردىڭ مادەني ورتالىقتارى مەملەكەتتىك تۋدى دۇرىس ورنالاستىرماعان.
|
Cۇبەلى ءسوز |
|
| ffffffffff |
ايدا بالاەۆا, استانا قالاسى اكىمنىڭ ورىنباسارى:– مەملەكەتتىك رامىزدەرگە قاتىستى كەلەڭسىزدىكتەرگە جول بەرىپ قويعان مەكەمە باسشىلارى مەن قىزمەتكەرلەرىنەن تۇسىنىكتەمە الىپ, وسى تاقىرىپقا ارنالعان سەمينار وتكىزىپ تۇرعان ءجون. زاڭ بويىنشا مەملەكەتتىك رامىزدەردى قورلاعاندارعا 200 اەك كولەمىندە ايىپپۇل سالۋعا قۇقىقتىق نەگىز بولسا, ايتىلعانداي ونى قالتادان ۇراتىنداي قوماقتىراق قىلىپ سالۋ كەرەك. |
رەيد قورىتىندىلارى بويىنشا اۋدان اكىمدىكتەرى دە كەمشىلىكتەر انىقتالعان مەكەمەلەرگە قولدانىلعان شارالارمەن تانىستىردى. الماتى اۋدانى اكىمىنىڭ ورىنباسارى ءتۇسىپ رىسبەكوۆ رامىزدەرگە قاجەتتى دەڭگەيدە قاراماعاندارعا 37 مىڭ تەڭگە ايىپپۇل كەسىلگەنىن ايتتى.
وسىنىڭ ءبارىن تىڭداعان ايدا عالىمقىزى ءبىر ەمەس, بىرنەشە رەت رامىزدەرگە دۇرىس قاراماعان مەكەمەلەردى انىقتاۋدى تاپسىردى. سونىمەن قاتار, ەلوردادا داۋىل ءجيى تۇراتىندىقتان باس تۋ ءجيى تۇسىرىلەتىندىگىن, ادام ومىرىنە قاۋىپ كەلەتىندىكتەن, جەل توقتاعانشا ونى قايتادان جوعارى كوتەرۋ مۇمكىن ەمەستىگىن, وسىنى حالىققا ءتۇسىندىرۋ قاجەتتىگىن ايتتى.
مەملەكەتتىك حاتشى كەلەسى جىلدىڭ ساۋىرىنە دەيىن گەرالديكانى قولدانۋ بويىنشا تەكسەرىس جۇرگىزۋگە تاپسىرما بەردى. وسىعان وراي ىشكى ساياسات باسشىسى ب.تىلەپوۆ ءتيىستى ادامداردان كوميسسيا قۇرىپ, جاڭا جىل مەرەكەسىنەن كەيىن بۇل ءىستى باستاپ كەتۋگە تاپسىرما الدى.
امانعالي قالجانوۆ
