ماۋسىمدى «مەدەيامەن» اشتى

بەيبىتشىلىك جانە كەلىسىم سارايىندا قر ەڭبەك سىڭىرگەن قايراتكەرى, ءانشى, اكتريسا ايگۇل يمانباەۆانىڭ «ا.ي.» مۋزىكالىق تەاترى جانە پروديۋسەرلىك ورتالىعىنىڭ VI ماۋسىمى «مەدەيا» تراگەدياسىمەن اشىلدى. شىعارمانىڭ اۆتورى – ج.انۋي, قازاق تىلىنە اۋدارعان – جازۋشى, دراماتۋرگ وتەن احمەت. سپەكتاكلدىڭ رەجيسسەرى – قۋاندىق قاسىموۆ.

بۇل – اتالمىش ونەر وشاعىنىڭ استاناداعى ەكىنشى ماۋسىمى. «مەدەيادان» كەيىن كورەر­مەندەر ج. ءراسيننىڭ «فەدرا» تراگەدياسى مەن د. يسابەكوۆتىڭ «اكتريسا» دراماسىن تاماشالادى. سپەكتاكلدەر كەزەك-كەزەگىمەن ەلوردا ساحناسىندا ءۇش كۇن بويى ءجۇردى.
جالپى العاندا, تەاتر رەپەرتۋارىندا س.راەۆتىڭ «حانشانىڭ كوز جاسى», ءا.تاۋاساروۆتىڭ «ماحاببات ارالى» ء(ا.تاۋاساروۆ), ش. بوشبەكوۆتىڭ «تەمىر قاتىن» قويىلىمدارى مەن «كۇتكەن كۇن» جانە «بابالارىم, راحمەت سەندەرگە» كونتسەرت سپەكتاكلدەرى بار. ولاردى كورەرمەندەر الداعى كۇندەرى رەت-رەتىمەن كورەدى.

امانعالي قالجانوۆ