مەيىرىم شۋاعى

ەلباسى نۇرسۇلتان نازارباەۆ استانا قالاسىنىڭ جاڭا جىلدىق قايىرىمدىلىق بالىنا قاتىستى.

مەملەكەت باسشىسى كەشكە قاتىسۋشىلارعا ارناعان سوزىندە جاڭا جىل مەرەكەسى ءاردايىم كوتەرىڭكى كوڭىل كۇي مەن باقىتتى بولاشاققا دەگەن ءۇمىت سىيلايتىنىن اتاپ ءوتتى.
– ءوتىپ بارا جاتقان جىل جارقىن جانە اۋقىمدى وقيعالارىمەن ەستە قالادى. قىسقى ۋنيۆەرسيادا مەن حالىقارالىق «ەكسپو-2017» كورمەسى قازاقستاندىقتارعا جانە شەتەلدىك قوناقتارعا سپورت پەن تەحنولوگيانىڭ تاماشا مەرەكەسىن تارتۋ ەتتى. ءبىز يسلام ىنتىماقتاس­تىعى ۇيىمىنىڭ ءسامميتىن جوعارى دەڭگەيدە وتكىزدىك, – دەدى ن.نازارباەۆ.
ەلباسى بۇۇ قاۋىپسىزدىك كەڭەسىندە ەلىمىزدىڭ بەيبىت باستامالارىن ىلگەرىلەتۋ ماسەلەلەرىنە جانە الداعى جىلى قازاقستاننىڭ وسى حالىقارالىق ۇيىمعا توراعالىق ەتۋىنىڭ پەرس­پەكتيۆالارىنا ەرەكشە توقتالدى.
– بۇل – الەمنىڭ ەكى جۇزگە جۋىق ەلىنىڭ جاس مەملەكەتكە بىلدىرگەن ايرىقشا سەنىمى. كەلەسى جىلى قازاقستاندا الەمدىك جانە ءداستۇرلى دىندەر كوشباسشىلارىنىڭ سەزى, ازياداعى ءوزارا ىقپالداستىق جانە سەنىم شارالارى جونىندەگى كەڭەس, سونداي-اق باسقا دا كوپتەگەن ماڭىزدى ءىس-شارالار وتەدى. بۇل جەڭىستەردىڭ بارلىعى – ارقايسىمىز­دىڭ كۇش-جىگەرىمىز بەن قاجىرلى ەڭبەگىمىزدىڭ ناتيجەسى. ءاربىر ازاماتىمىز قازاقستاننىڭ جەتىستىكتەرىنە قاتىسى بار ەكەنىن سەزىنگەنى ماڭىزدى, – دەدى مەملەكەت باسشىسى.
سوڭىندا نۇرسۇلتان ­نازارباەۆ كەشكە قاتىسۋشىلاردى كەلە جاتقان جاڭا 2018 جىلمەن قۇتتىقتاپ, بارشا قازاقستاندىقتارعا زور دەنساۋلىق, قۋانىش پەن شاتتىق تىلەدى.
– ءبارىمىزدىڭ ءۇيىمىز مە­يىرىم شۋاعىنا بولەنىپ, باق-بەرەكەگە تولى بولسىن! – دەدى قازاقستان پرەزيدەنتى.