قايىم مۇحامەدحانوۆ اتىنداعى №90 گيمنازيادا استاناداعى مەكتەپ مۋزەيلەرىنىڭ جەتەكشىلەرىنە ارنالعان «مەكتەپ مۋزەيىنىڭ ءبىلىم بەرۋ كەڭىستىگىندەگى ءرولى» تاقىرىبىندا ءىى قالالىق سەمينار-پراكتيكۋم ءوتتى.
ءىس-شارا باسىندا اتالمىش گيمنازيا ديرەكتورى گۇلجانات ابدرامانوۆا, ۇلتتىق مۋزەيدىڭ بىلىكتىلىكتى ارتتىرۋ جانە ادىستەمەلىك قامتاماسىز ەتۋ ءبولىمىنىڭ مەڭگەرۋشىسى مەرۋەرت ءامىروۆا سەمينار-پراكتيكۋمنىڭ اشىلۋىمەن قۇتتىقتادى. ق.مۇحامەدحانوۆ اتىنداعى
№ 90 گيمنازيا مۋزەيىنىڭ اتقارىلعان جۇمىستارىمەن قازاق ءتىلى مەن ادەبيەتى ءپانى مۇعالىمى جاۋىنباي جىلقىبايۇلى تانىستىردى. مەكتەپ وقۋشىلارى مۇراتبەك نۇرقايىر «الدىمدا اقىن اباي تەمىرقازىق», دوسماعانبەت سانجار «سۇيەم وتان-انامدى», ايگەرىم ابدۋللاەۆا «ۇستازىما» اتتى قايىم مۇحامەدحانوۆتىڭ ولەڭدەرىن وقىدى.
ۇلتتىق مۋزەي قىزمەتكەرلەرى مەكتەپتە مۋزەي جۇمىسىن جۇرگىزۋ بويىنشا ويلارىن ورتاعا سالدى. اتاپ ايتقاندا, قور جۇمىسى قىزمەتى, ەكسكۋرسيالىق قىزمەت كورسەتۋ, ەكسپوزيتسيا-كورمەلىك بولىمدەردىڭ قىزمەتكەرلەرى ءوز تاجىريبەسىمەن ءبولىستى. سەمينارعا قاتىسۋشىلار مەكتەپ مۋزەيلەرىنىڭ جۇمىسى تۋرالى ويلارىمەن ءبولىسىپ, پىكىر الماستى. «ۇزدىك مەكتەپ مۋزەيى – 2022» قالالىق بايقاۋىنىڭ جۇلدەگەرى اتانعان قايىم مۇحامەدحانوۆ اتىنداعى
№ 90 گيمنازيا مۋزەيىن ارالاۋ ۇيىمداستىرىلىپ, تاجىريبەسى تانىستىرىلدى. سەمينار سوڭىندا قاتىسۋشىلار سەرتيفيكاتتارمەن ماراپاتتالدى.
