بيىل استانادا مەكتەپ جارمەڭكەسى 12 تامىزدان باستاپ بەس جەردە جۇمىس ىستەيدى. وندا وتاندىق تاۋار وندىرۋشىلەر ءوز ونىمدەرىن كەڭىنەن ۇسىنا الادى.
بۇل – اتا-انالار مەن مەكتەپ وقۋشىلارى اسىعان كۇتەتىن جىلداعى ءداستۇرلى ءىس-شارا. ارنايى ۇيىمداستىرىلىپ وتىرعاسىن كوپشىلىكتە سورەدەگى تاۋارلاردىڭ نارىقتان 15-20 پايىزعا ارزان بولادى دەگەن سەنىم بار. سوندىقتان جارمەڭكەگە ايدىڭ سوڭىنا دەيىن ءار سەنبى مەن جەكسەنبى كۇندەرى تامىز ايىنىڭ 12, 13, 19, 20, 26, 27 جۇلدىزىنا دەيىن بارۋعا بولادى:
بيىلعى مەكتەپ جارمەڭكەسى: نۇرا اۋدانىنداعى تسيرك; بايقوڭىر اۋدانىنداعى «تۇلپار» ساۋدا ءۇيى الدىندا; «ايماقتاۋ» ساۋدا ءۇيى تۇراعىندا; سارىارقا اۋدانىنداعى «Demalys Promenade» اللەياسى مەن قوسشىعۇلۇلى كوشەسى, 14; ەسىل اۋدانىنداعى بوتانيكالىق باق تۇراعى مەن الماتى اۋدانىنداعى ابىلاي حان داڭعىلى, 20ا مەكەنجايىندا ورنالاسقان.
قازىرگى ۋاقىتتا اتالعان جارمەڭكەلەرگە قاتىسۋ ءۇشىن «اتامەكەن» وكپ-مەن بىرلەسىپ وتاندىق تاۋار وندىرۋشىلەردىڭ تىزبەسى پىسىقتالىپ جاتىر, سونداي-اق جەرگىلىكتى شەبەرلەر مەن قولونەرشىلەرگە قولداۋ كورسەتۋ ماقساتىندا «حاس شەبەر» بىرلەستىگىن (زيۋار) تارتۋ جوسپارلانىپ وتىر.
