مەملەكەت باسشىسىنا ەسەپ بەردى
مەملەكەت باسشىسى نۇر-سۇلتان قالاسىنىڭ اكىمى التاي كولگىنوۆتى قابىلدادى. قاسىم-جومارت توقاەۆقا نۇر-سۇلتان قالاسىنىڭ الەۋمەتتىك-ەكونوميكالىق جانە ينفراقۇرىلىمدىق دامۋى تۋرالى مالىمەت بەرىلدى.
پرەزيدەنتكە كەزەكتە تۇرعان ەلوردالىقتاردى قولجەتىمدى باسپانامەن قامتۋ, ءۇش اۋىسىمدا وقىتۋ ماسەلەسىن شەشۋ, ينۆەستيتسيا تارتۋ, الەۋمەتتىك ماڭىزى بار ازىق-تۇلىك باعاسىن تۇراقتاندىرۋ جانە «حالىق ۇنىنە قۇلاق اساتىن مەملەكەت» تۇجىرىمداماسىنىڭ اياسىندا كۇشەيتىلگەن كەرى بايلانىس تۋرالى باياندالدى. قالا اكىمىنىڭ ايتۋىنشا, بيىل 10 مىڭ الەۋمەتتىك پاتەر سالىنادى. بۇل كورسەتكىش بۇرىنعى جىلدارمەن سالىستىرعاندا ەداۋىر ارتقان. مىسالى, 2020 جىلى – 7 مىڭ, 2019 جىلى – 2900, 2018 جىلى 1800 الەۋمەتتىك پاتەر پايدالانۋعا بەرىلگەن. سونىمەن قاتار بيىل 40 مىڭ وقۋشىعا ارنالعان 15 مەكتەپ عيماراتى پايدالانۋعا بەرىلگەن.
