قالالىق ءماسليحاتتىڭ وتىز بەسىنشى كەزەكتەن تىس سەسسياسىنىڭ جۇمىسىنا استانا اكىمىنىڭ ورىنباسارلارى, الماتى, سارىارقا, ەسىل اۋداندارىنىڭ اكىمدەرى, قالا دەپارتامەنتتەرى مەن باسقارمالارىنىڭ باسشىلارى جانە قوعامدىق بىرلەستىكتەردىڭ وكىلدەرى قاتىستى.
سەسسيادا ءبىر عانا ماسەلە قاراستىرىلدى. ول – مەملەكەت مۇقتاجى ءۇشىن جەر ۋچاسكەلەرىن الۋعا بايلانىستى جەر ۋچاسكەلەرىن نەمەسە جىلجىمايتىن وزگە مۇلىكتەردى ساتىپ الۋ تۋرالى شارتتاردىڭ جوبالارىن كەلىسۋ. وسىعان وراي, قالالىق ءماسليحاتتىڭ زاڭدىلىق, قۇقىق ءتارتىبى جانە جۇرتشىلىقپەن جۇمىس ماسەلەلەرى جونىندەگى تۇراقتى كوميسسياسى توراعاسىنىڭ ورىنباسارى تيمۋر ورازاقوۆ ءسوز الىپ, «مەملەكەتتىك مۇلىك تۋرالى» قازاقستان رەسپۋبليكاسى زاڭىنىڭ 16-بابىنىڭ 3-تارماقشاسىنا جانە «قازاقستان رەسپۋبليكاسى استاناسىنىڭ مارتەبەسى تۋرالى» قازاقستان رەسپۋبليكاسى زاڭىنىڭ 8-بابىنىڭ 4-تارماقشاسىنا سايكەس, وسى شارتتاردىڭ جوبالارى قالالىق ءماسليحاتتىڭ تۇراقتى كوميسسياسىنىڭ وتىرىستارىندا تالقىلانعانىن جەتكىزدى. ول وتىرىستارعا جەر ۋچاسكەلەرىنىڭ مەنشىك يەلەرى تەگىس قاتىسقان بولاتىن.
بايانداماشىنىڭ ايتۋىنشا, بۇل جەرلەر ەسىل وزەنى جاعالاۋىنداعى پاركتى سالۋ ءۇشىن, جاڭا مەكتەپ قۇرىلىسى ءۇشىن, ەسىل وزەنىنىڭ ارناسىن قايتا جوندەۋ جانە اباتتاندىرۋ ماقساتىندا, بەيسەكوۆ كوشەسىندەگى 5-ءشى ۋچاسكەنىڭ شاعىن اينالما جولىن سالۋ, تولەباەۆ كوشەسىنەن جۇماباەۆ كوشەسىنە دەيىنگى جولداردى كەڭەيتۋ ءۇشىن الىنباقشى.
جەر ۋچاسكەلەرىنىڭ جالپى سوماسى 377 209 866 تەڭگەنى قۇرايتىن 67 شارتتىڭ جوباسىن دەپۋتاتتار ءبىراۋىزدان ماقۇلدادى.
گۇلبارشىن وكەشقىزى
