كەشە سارىارقا اۋدانى اكىمىنىڭ ورىنباسارى تالعات راحمانبەردى اۋدانداعى ءبىلىم مەكەمەلەرىنىڭ پەداگوگتارىن ءتول مەرەكەلەرىمەن قۇتتىقتاپ, ولارعا «قۇرمەت» گراموتالارىن تاپسىردى.
اۋدان اكىمى پاۆەل كۋلاگيننىڭ اتىنان ماراپاتقا يە بولعان مۇعالىمدەردىڭ ىشىندە ءار مەكتەپتەن ىرىكتەلگەن جيىرما بەس مۇعالىم بار. تالعات راحمانبەردى ءبىلىم سالاسىندا جۇرگەن مامانداردىڭ ەڭبەگىن جوعارى باعالاپ, ولارعا ساتتىلىك تىلەدى. «ۇستاز – بالانىڭ ەكىنشى اتا-اناسى. ول وقۋشىلارعا ءبىلىم مەن تاربيە بەرىپ قانا قويماي, شاكىرتتەردى ادامگەرشىلىك قاسيەتتەرگە, ىزگىلىك پەن يناباتتىلىققا تاربيەلەيدى. جاقسى مۇعالىم قاشاندا شاكىرتىنىڭ جادىندا ساقتالادى. كەز كەلگەن ادام مەكتەپ تابالدىرىعىن اتتاعان العاشقى ءساتى مەن ءبىلىم نارىمەن سۋسىنداتقان ۇستازدارىن ەسىنەن شىعارمايدى. سوندىقتان وسىنداي ۇلاعاتتى ماماندىقتىڭ تىزگىنىن ۇستاعان سىزدەرگە العىسىمىز شەكسىز. ەڭبەكتەرىڭىزگە تابىس, وتباسىلارىڭىزعا اماندىق تىلەيمىز» دەدى اۋدان اكىمىنىڭ ورىنباسارى.
ءتول مەرەكەلەرىندە وزدەرىن ەلەپ-ەسكەرگەن اۋدان اكىمدىگىنە مەكتەپ مۇعالىمدەرى دە العىس ءبىلدىردى. «ءبىز ءۇشىن مۇعالىمدەر كۇنى – ەرەكشە مەرەكە. ءبىزدىڭ الدىمىزدا ۇلكەن جاۋاپكەرشىلىك تۇر. اسىرەسە, استانالىق ۇستازدارعا ارتىلار سەنىم ۇلكەن. سوندىقتان ەلدىڭ بولاشاعىن تاربيەلەۋ جولىنداعى قادامدارىمىز ارقاشان ساتىنەن بولسىن!» دەدى №7 مەكتەپ-گيمنازياسىنىڭ مۇعالىمى گالينا تسۆەتينسكايا.
ءمادينا جاكىپ
