جاڭالىقتارمادەنيەتتاعزىم
مۇحيت اندەرى – ەلوردا تورىندە
23 قازاندا «استانا» ۇلتتىق سۋرەت گالەرەياسى عيماراتىندا «سالماسام اينامكوزگە ءان بولمايدى» اتتى كىشى جۇزدەن ءان وزدىرعان اتاقتى ءانشى, «قازاقتىڭ بايانى» اتانعان سال-سەرى مۇحيت مەرالىۇلىنا ارنالعان ءان-كۇي كەشى وتەدى.
كەشتە استانا قالاسى اكىمدىگى مەملەكەتتىك فيلارمونياسىنىڭ «سارىارقا» ۇلت اسپاپتار ءانسامبلى جانە حالىق ءان ءبولىمىنىڭ انشىلەرى – قر ەڭبەك سىڭىرگەن قايراتكەرى ايگۇل قوسانوۆا, قازاقستان جاستار وداعى سىيلىعىنىڭ يەگەرى نۇراي تاناباەۆ, رەسپۋبليكالىق جانە حالىقارالىق كونكۋرستاردىڭ لاۋرەاتتارى – ايزادا قازبەكوۆا, ءۇمىت ساتتاروۆا, جالعاس سۇلتانوۆ, راحات بەگاسىلوۆ جانە «شالقىما» حالىق بي ءانسامبلى ونەر كورسەتەدى.
ءانسامبلدىڭ كوركەمدىك جەتەكشىسى – قر ەڭبەك سىڭىرگەن قايراتكەرى نۇرلان حامزين.
كونتسەرتتە ءانسامبلدىڭ سۇيەمەلدەۋىمەن مۇحيت مەرالىۇلىنىڭ «بەينەم-اۋ», «ۇلكەن ايداي», «الۋاش», «زاۋرەش», «اينامكوز», «كوكجار» اندەرى, سونىمەن قاتار دومبىراعا ارنالعان حالىققا بەلگىلى اۋەندەر شىرقالادى.