ابونەنتتىك ءبولىم اشىلدى
الماتى اۋدانىنىڭ تۇرعىندارى ءۇشىن 2013 جىلدىڭ 1 مامىرىنان باستاپ «استانا-بەو» جشس وكىلدەرىمەن بىرگە «استانا-تازارتۋ» جشس-دا جەكە جانە زاڭدى تۇلعالارمەن جۇمىس ىستەيتىن جاڭا ابونەنتتىك ءبولىم اشىلدى. جۇمىس كەستەسى 10.00-دەن 19.00-گە دەيىن, سەنبىدە 10.00-دەن 14.00-گە دەيىن, ءۇزىلىسسىز. دەمالىس كۇنى – جەكسەنبى.
تاجىريبەسىن تاراتتى
ەلوردادا «№ 1 پەريناتالدىق ورتالىعى» بازاسىندا «پەرزەنتحانا زالىنداعى رەسپيراتورلىق تەراپيادان جوعارى تەحنولوگياعا دەيىن» تاقىرىبىندا حالىقارالىق سەمينار وتكىزىلدى. رف دەنساۋلىق ساقتاۋ مينيسترلىگى سولتۇستىك-باتىس فەدەرالدىق ايماعىنىڭ باس شتاتتان تىس نەوناتولوگى الەكسەي موستوۆوي ءوزىنىڭ تاجىريبەسىن قازاقستاندىق دارىگەرلەرگە تانىستىردى.
ءجانيا اۋباكىروۆا كونتسەرت بەردى
قازاقستاننىڭ حالىق ءارتىسى ءجانيا اۋباكىروۆا قۇرمانعازى اتىنداعى قازاق ۇلتتىق كونسەرۆاتورياسى ستۋدەنتتەرىنىڭ سيمفونيالىق وركەسترىمەن بىرگە ونەر كورسەتتى. ستۋدەنتتەرىنىڭ تاماشا ونەرلەرىن كورەرمەندەر نازارىنا ۇسىنا وتىرىپ, ءجانيا جاقياقىزى ساحناعا كونتسەرتتىڭ ەكىنشى بولىمىندە شىقتى. كەشتىڭ كورىگىن ول يوگاننەس برامستىڭ «№1 وركەسترمەن فورتەپيانو ءۇشىن كونتسەرتىمەن» قىزدىردى.
كەشە…
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ش.ايتماتوۆتىڭ «اق كەمە» دراماسى قويىلدى.
بۇگىن…
قر ءبىلىم جانە عىلىم مينيسترلىگى قازاقستان رەسپۋبليكاسى فيلولوگتارىنىڭ ءى سەزىن وتكىزەدى.
ەرتەڭ…
«قازاقستان» وكز-دا ساع.19.00-دە «ماشينا ۆرەمەني» توبىنىڭ كونتسەرتى وتەدى.
سانسويلەم…
2012 جىلى استانادا كونتسەرتتەرگە 1,5 ميلليوننان استام ادام بارعان. بۇل 2011 جىلعا قاراعاندا 1,2 پايىزعا ارتىق. قالادا بارلىعى 7 كونتسەرت قوياتىن ۇجىم بار. 2012 جىلى ولار 683 كونتسەرت وتكىزگەن. سونىڭ ىشىندە فيلارمونيانىڭ وتكىزگەنى 394 كونتسەرت. قالعان 42,3 پايىزى ەسترادالىق كونتسەرتتەردىڭ ۇلەسىنە تيەسىلى. استانانىڭ شىعارماشىلىق ۇجىمدارى 2012 جىل بويى 21 جاڭا سپەكتاكل قويدى. بۇل الدىنداعى جىلعا قاراعاندا 10,5 پايىزعا ارتىق. بارلىعى قالادا ءتۇرلى جانردا 6 مەملەكەتتىك تەاتر مەن 1 تسيرك جۇمىس ىستەيدى. الايدا, وتكەن جىلى تسيرككە بارلىعى 10,8 مىڭ ادام بارىپتى. بۇل 2011 جىلمەن سالىستىرعاندا 58,5 پايىزعا تومەن.
ەركەجان ساتىمبەك
