جاس كوشباسشىلار جوباسى
استانادا «جاس كوشباسشى اكادەمياسى» ءوز جۇمىسىن باستادى. بارلىعى 10 كۇندە ۇيىمداستىرۋشىلار قاراپايىم وقۋشىدان ناعىز كوشباسشى ستۋدەنتتەر
تاربيەلەپ شىعارامىز دەپ وتىر. جوباعا قاتىسۋ ءۇشىن 50 ادام ىرىكتەلىپ الىنعان. ولاردىڭ اراسىندا جوعارى سىنىپ وقۋشىلارى, ەلوردالىق وقۋ ورىندارىنىڭ ستۋدەنتتەرى, ماگيسترانتتار بار. جاستار كوشباسشىلىقتىڭ الىپپەسىنە 13-ءى مەن 25 مامىر ارالىعىندا 10 كۇن بويى ۇيرەنەتىن بولادى.
سونىمەن قاتار, اكادەميادا بەلگىلى قوعام قايراتكەرلەرىمەن, كورنەكتى ساياساتكەرلەرمەن كەزدەسۋ ۇيىمداستىرىلىپ, ولار ومىرلىك تاجىريبەلەرىن ورتاعا سالاتىن بولادى.
«جاس كوشباسشى اكادەمياسى» جوباسى كوممەرتسيالىق ەمەس. اكادەميادا وقۋ تەگىن. ويتكەنى, اتالعان جوبا استانا قالاسى اكىمدىگىنىڭ جاستار ساياساتى ماسەلەلەرى جونىندەگى باسقارماسىنىڭ قولداۋىمەن جۇزەگە اسىرىلىپ وتىر.
ەركەجان ساتىمبەك