نۇر-سۇلتان قالاسىنىڭ اكىمى باقىت سۇلتانوۆ ۇلىستىڭ ۇلى كۇنى – ناۋرىز مەرەكەسى قارساڭىندا قالانىڭ ءتورت اۋدانىن ارالاپ, جۇرتشىلىقپەن كەزدەستى.
اتاپ ايتساق, شاھار باسشىسى قازاق ەلى الاڭىندا, «ءوندىرىس» جانە «كوكتال-2» تۇرعىن الابىندا بولىپ, دۋمانداتقان حالىقتىڭ قۋانىشىن بىرگە ءبولىسىپ قايتتى. مۇنىمەن قوسا, قر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆپەن بىرگە «جاعالاۋ» شاعىن اۋدانىنداعى ناۋرىز مەيرامىنا قاتىسىپ, اقساقالداردىڭ باتاسىن الدى. مۇندا دا جينالعان كوپشىلىك مەرەكەلىك باعدارلامالارىن ۇسىندى. قازاقشا كۇرەس, قول كۇرەسى, ارقان تارتۋ, اسىق اتۋ, گىر كوتەرۋ سايىستارى ۇيىمداستىرىلىپ, باۋىرساق پەن ناۋرىز كوجە تاراتىلدى.
