استانا ۇلتتىق عىلىمي مەديتسينالىق ورتالىعىندا وبىرعا قارسى, قان شىعارىپ, ەتتى كەسپەي وتا جاساۋدىڭ ءتيىمدى ءادىسى ەندىرىلدى. ەمدەۋدىڭ جاڭا ءادىسى – باۋىر, بۇيرەك, وكپەنىڭ قاتەرلى وسكىندەرىن راديوجيىلىك ابلياتسيالاۋى ارقىلى ەمدەۋگە مۇمكىندىك بەرەدى.
ورتالىقتىڭ شاقىرۋىمەن سانكت-پەتەربۋرگتەن كەلگەن رەسەي حيرۋرگيالىق تەحنولوگيالار مەن راديولوگيا ورتالىعىنىڭ ءبولىم مەڭگەرۋشىسى ي.رۋكين ەلوردالىق ارىپتەستەرىمەن بىرگە قاتەرلى ىسىككە شالدىققان بىرنەشە ادامعا ەرەكشە وتا جاسادى. ونكولوگ-دارىگەر وبىر اۋرۋىن ەمدەيتىن ماماندارمەن شەبەرلىك سىنىپتارىن وتكىزىپ, ناۋقاستاردىڭ اعزاسىنا اسا كوپ نۇسقان كەلتىرمەيتىن, ىسىكتەردى راديوجيىلىك ابلياتسيالاۋ ارقىلى ەمدەۋ تاجىريبەسىمەن تانىستىردى.
-بۇگىن ءبىز بۇدان 1 جىل بۇرىن جاساي الماعاندى ىستەي الامىز. اق وبىردى ەمدەۋ ماسەلەسىنەن شەتكەرى قالعان جوق جانە بۇگىنگى كۇنى استانا قالاسىندا ۇلتتىق عىلىمي مەديتسينالىق ورتالىعىندا ەمدەۋدىڭ جاڭا جوعارى ءتيىمدى ءادىسى – باۋىر, بۇيرەك, وكپەنىڭ قاتەرلى جاڭا وسكىندەرىن راديوجيىلىك ابلياتسيالاۋى قولدانۋدا.
جاڭا يننوۆاتسيالىق, راديوجيىلىك ابلياتسيا – ىسىكتى حيرۋرگيالىق جولمەن الاتىن ەمەس, ادام اعزاسىنداعى قاتەرلى ىسىكتى جويۋعا تىكەلەي باعىتتالعان مينيمالدى ينۆازيالىق پروتسەدۋرا. ءادىستىڭ نەگىزىندە ءتىرى تىندەردى فريكتسيالىق جىلىتۋ اسەرى جاتىر. ول يونداردىڭ كۇشەيتىلگەن تەربەلگىش قوزعالتقىشتارىن شاقىراتىن جانە جىلۋ تۇرىندە ەنەرگيانى بوساتاتىن جوعارى جيىلىك توقتى ولارعا اسەر ەتۋ سالدارىنان شىعادى. ول كەزدە ولار 80-90 گرادۋسقا كۇيدىرىلىپ ونىڭ سالدارىنان جانە ىسىك جوعالادى. وبىر جايلاعان ءتىن جانعان سوڭ بىرتىندەپ سورىلادى. قازىرگى اپپاراتۋرا ىسىككە اسەر ەتۋدى ءدال دوزالاۋعا جانە ساۋ ءتىندى زاقىمداماۋ ءۇشىن توقتى جوعارى دالدىكپەن باعىتتاۋعا مۇمكىندىك بەرەدى. وتكىزىلگەن ستاتيستيكالىق زەرتتەۋلەرگە سايكەس وسىنداي جويۋلاردان كەيىن قاتەرلى ىسىكتەردىڭ رەتسيديۆتەر سانى 10 پايىزدان اسپايدى, ال حيرۋرگيالىق جويۋدان كەيىن ول 20-30 پايىزعا دەيىن جەتەدى – دەپ ءتۇسىندىردى ورتالىقتىڭ دارىگەر-ونكولوگ, راديولوگ نياز مالاەۆ.
ابلياتسيانىڭ ارتىقشىلىعى نەدە؟
بۇل ءادىسى ىسىكتەردى وتا جاساۋدان گورى, ءوزىنىڭ تيىمدىلىگى مەن ارتىقشىلىعىن دالەلدەدى. وسى ءادىس ارقىلى تىندەردىڭ ۇلكەن تىلىكتەرىن الىپ تاستامايدى, اعزاسى قاتەرى از ينۆازيالىق ءادىس بولىپ تابىلادى. ول تەرى ارالىق پۋنكتسيا ارقىلى جاسالادى.
حيرۋرگيالىق وپەراتسياعا قاراعاندا پروتسەدۋرا از ۋاقىت الادى. ياعني, ىسىكتىڭ سانى مەن كولەمىنە بايلانىستى 10-30 مينۋت ىشىندە ەم-شاراسىن جۇرگىزەدى.
ۇزاق ينتۋباتسيالىق ناركوزدى قاجەت ەتپەيدى, نەگىزىنەن كوكتامىرلىق نەمەسە رەگيونارلىق انەستەزيا قولدانىلادى. وپەراتسيادان كەيىن از ۋاقىت قانا اۋىرسىنادى. وڭالتۋ كەزەڭى دە حيرۋرگيالىق وپەراتسياعا قاراعاندا ەداۋىر قىسقا, بارلىعى شامامەن ءۇش كۇندە وزىنە كەلەدى. وسى ادىستەن كەيىن رەتسيديۆتەر وپەراتيۆتىك جويۋعا قاراعاندا 2-3 ەسە سيرەك بولادى.
حيرۋرگيالىق جولمەن ەمدەۋگە قاراعاندا مانيپۋلياتسيا قۇنى مەملەكەت ءۇشىن دە پاتسيەنت ءۇشىن دە اناعۇرلىم تومەن. بۇل پروتسەدۋرانى وبىر كەۋلەگەن ءبىر ورگانعا بىرنەشە رەت قولدانۋعا بولادى.
ەلورداداعى ۇلتتىق عىلىمي مەديتسينالىق ورتالىقتا وتكەن شەبەرلىك سىنىبىنا اقتوبە, اقتاۋ, الماتى مەن استانا دارىگەرلەرى قاتىستى.
وسى جولى راديولوگ نياز مالاەۆ, رەسەيلىك دارىگەردىڭ باقىلاۋىمەن جاڭا ءادىس بويىنشا وتا جاسادى, سونىمەن بىرگە العاش رەت استانادا باۋىر وبىرىمەن كەلىپ تۇسكەن ناۋقاسقا لاپاروسكوپيالى رجا جاساپ, باۋىردىڭ زاقىمدالعان بولىگىن پىشاقپەن كەسپەي الىپ تاستادى. وسى ارتىقشىلىقتارى ارقاسىندا رجا قاتەرلى ىسىكتىڭ كەشەندى ەمدەۋىندە ءداستۇرلى ادىستەرمەن بىرگە قولدانىلاتىن بولادى, وپەراتيۆتىك ەمەس باۋىر ىسىگىن ەمدەۋى كەزىندە ەمدەۋدىڭ جاڭا ءادىسى رەتىندە قاتار جۇرەتىن بولادى. ال وبىردى ەمدەۋدىڭ وزىق ادىسىنە مۇقتاجدار از ەمەس ەكەنى بەلگىلى.
قازىرگى كەزدە قازاقستاندا ديسپانسەرلىك ەسەپتە 176 مىڭ ونكواۋرۋ تىركەلگەن. جىل سايىن 34 مىڭعا جۋىق ونكواۋرۋلاردىڭ بەلگىلەرى جاڭادان تابىلىپ, انىقتالادى, ولاردىڭ ىشىندە 25 مىڭى جىل سايىن قايتىس بولادى, سولاردىڭ ىشىندەگى 49 پايىزى ەڭبەككە جارامدى جاستاعى ادامدار. ەڭبەككە قابىلەتتى جاستاعىلاردىڭ ونكولوگيامەن اۋرۋ سالدارىنان سالىق جانە الەۋمەتتىك اۋدارىمداردىڭ ەكونوميكالىق زيانى ورتاشا ەسەپپەن 21 ملرد. تەڭگەنى قۇرايدى.
