وڭتۇستىككە – وڭ سەرپىن

بىسترىي زايم بەز پروۆەروك نا كارتۋ ۆ تەچەني 5 مينۋت

سەيسەنبى, 19 ماۋسىم كۇنى, ەلباسى نۇرسۇلتان نازارباەۆ «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى» جارلىققا جاريا تۇردە قول قويدى. مەملەكەت باسشىسى وسى قول قويۋ راسىمىندە شىمكەنت ميلليوننان استام تۇرعىنى بار استانا مەن الماتى قالالارىنىڭ قاتارىنا قوسىلعانىن ايتتى.

– بۇگىن مەن قول قوياتىن جارلىق شىمكەنتكە رەسپۋبليكالىق ماڭىزى بار قالا مارتەبەسىن بەرەدى. بۇل اكىمشىلىك بىرلىك ەلىمىزدەگى ون جەتىنشى ايماق بولادى. وبلىس ورتالىعى عاسىرلار بويى قازاق حاندىعىنىڭ جانە بۇكىل تۇركى الەمىنىڭ ساياسي ءارى رۋحاني ورتالىعى بولعان تۇركىستان قالاسىنا كوشىرىلەدى, – دەدى قازاقستان پرەزيدەنتى.

نۇرسۇلتان نازارباەۆ جاڭادان قۇرىلعان تۇركىستان وبلىسىندا جاڭا اكىمشىلىك فۋنكتسيالاردى ساپالى ىسكە اسىرۋ ءۇشىن بارلىق مۇمكىندىكتەر بار ەكەنىن ايتىپ, قابىلدانعان شەشىمنىڭ تاريحي مانىنە توقتالدى.

– شىمكەنت ءبىزدىڭ ەلدىڭ عانا ەمەس, بۇكىل ورتالىق ازيا ءوڭىرىنىڭ ينۆەستيتسيالار, تەحنولوگيالار جانە ينتەللەكتۋالدى رەسۋرستار تارتاتىن جاڭا ورتالىعىنا اينالادى. بۇل ءۇشىن بارلىق جاعداي مەن قاجەتتى الەۋەت بار, – دەدى مەملەكەت باسشىسى. قازاقستان پرەزيدەنتى شىمكەنتتىڭ رەسپۋبليكالىق مارتەبە الۋى ونىڭ ودان ءارى ىلگەرىلەۋىنە سەپتىگىن تيگىزەتىنىنە جانە قالانىڭ الدىندا جاڭا پەرسپەكتيۆالار اشىلاتىنىنا سەنىم ءبىلدىردى.

– بۇل قادام شاھاردىڭ تەڭگەرمەلى الەۋمەتتىك-ەكونوميكالىق دامۋىنا جانە بۇكىل ءوڭىر تۇرعىندارىنىڭ تۇرمىس ساپاسىنىڭ دايەكتى تۇردە ارتۋىنا تىڭ سەرپىن بەرەدى, – دەدى نۇرسۇلتان نازارباەۆ.

قول قويۋ ءراسىمىنىڭ سوڭىندا مەملەكەت باسشىسى پرەزيدەنت اكىمشىلىگىنە, ۇكىمەتكە جانە وبلىس اكىمدىگىنە جارلىقتى ساپالى ءارى شۇعىل ىسكە اسىرۋ, سونداي-اق جەرگىلىكتى مەملەكەتتىك ورگاندار مەن مەكەمەلەردىڭ ۇزدىكسىز ءارى ءتيىمدى قىزمەتىن قامتاماسىز ەتۋ جونىندە بىرقاتار تاپسىرما بەردى.

ەلباسى ەل ومىرىندەگى اسا ماڭىزدى قۇجاتتارعا جاريا تۇردە قول قويۋدى داستۇرگە اينالدىرعان. مىنا جارلىقتىڭ دا تاۋەلسىز ەلىمىز بەن كەلەشەك ۇرپاق ءۇشىن ماڭىزى زور.

ءسۇيىنشى, اعايىن! تاۋەلسىزدىككە قول جەتكىزگەن شيرەك عاسىردان استام ۋاقىت ىشىندە قازاقستاندا جاڭا اكىمشىلىك قۇرىلىم پايدا بولدى. وسى كەزەڭدە ءارتۇرلى ساياسي جانە ەكونوميكالىق العىشارتتار مەن جاعدايلارعا بايلانىستى كەيبىر وبلىستار تاراتىلىپ, ەندى ءبىرى ىرىلەندىرىلگەنى بەلگىلى. بۇلار, ارينە, زامان, ۋاقىت تالابىنا سايكەس قابىلدانعان شەشىمدەر بولاتىن.

قازاقستان كارتاسىندا جاڭا اتاۋداعى وبلىستىڭ پايدا بولۋىنا سەبەپكەر – كونە دە قاسيەتتى شىمكەنت شاھارى. ەكى مىڭ جىلدان استام تاريحى بار شەجىرەلى شىم قالا تاۋەلسىزدىك داۋىرىندە جاڭاشا قارقىنمەن دامىدى, مەگاپوليسكە اينالدى, ەندى ول – ميلليوننان استام تۇرعىنى بار ەلىمىزدەگى ءۇشىنشى الىپ شاھار. «ءومىر ادامعا ءبىر-اق رەت بەرىلەدى, ونى شىمكەنتتە وتكىزۋ كەرەك» دەگەن قاناتتى ءسوزدىڭ جانى بار. سۋى بال, جەرى باۋ جاسىل شاھار جۇماق باعىنداي جايلى. وڭتۇستىك وڭىردە دۇنيەگە كەلىپ, شىمكەنتتە 12 جىل قىزمەت ەتكەن تاجىريبەگە سۇيەنىپ ايتار بولساق, بۇل قالا بۇرىننان دا ءوز كيىمىنە سىيماي ەرتە ءوسىپ, ەسەيىپ كەتكەن جەتكىنشەكتى كوزگە ەلەستەتەر ەدى. تۇرعىندارى كاسىپكە بەيىم, ءجۇزى جىلى, اڭگىمەسى جۇمساق شاھاردىڭ باسشىلارى اراگىدىك وبلىس اكىمىمەن ورتاق ءتىل تابىسا الماي, ءىسى قابىسا الماي جاتاتىنىنا دا كۋا بولعانىمىز بار. ءيا, شىمكەنتتىڭ اتى – شىمكەنت. وسى قالانىڭ پاتريوتى رەتىندە پاريجدەن بەس ەسە ۇلكەنبىز دەپ بورىكتى اسپانعا اتىپ, كوزگە قوراش جەر ۇيلەردى كوبەيتە بەرگەنشە حاتشى رامازانوۆتىڭ كوزىن كورگەن اۋەجايدى نەگە جاڭعىرتپايسىزدار, ۇيات بولدى عوي دەپ جازعانىمىز دا بار. ەندى ۇلكەن مۇمكىندىك بەرىلدى شىمكەنتكە, ەندى بۇرىنعىشا وبلىس دەپ الاڭدامايدى, ەتەك-جەڭىن جيىپ, توتىداي تارانىپ, سۇڭقارداي سىلاناتىن ۋاقىت تۋدى.

جاريا تۇردە قول قويعان ەلباسى جارلىعىندا «قازاقستان ۇكىمەتى تۇركىستان قالاسىن تۇركى الەمىنىڭ مادەني-رۋحاني ورتالىعى رەتىندە دامىتۋ بويىنشا باس جوسپاردى ازىرلەۋگە كونكۋرس ۇيىمداستىرۋ جانە وتكىزۋ جونىندە كوميسسيا قۇرسىن» دەگەن جولدار بار. بۇل – تاۋەلسىز قازاقستاننىڭ تۇركى الەمنىڭ بەسىگىنە, قاسيەتتى شاھارعا كورسەتكەن پەرزەنتتىك قۇرمەتى. ۇلى بابالار ماڭگى تىنىستاعان كونە دە كيەلى قالانىڭ جاڭا تىنىسى اشىلىپ, ەندى جاڭاشا داميتىنى اقيقات. بەت قاتتالىپ جاتقاندا ەلباسى جارلىعىمەن تۇركىستان وبلىسىنا جانسەيىت تۇيمەباەۆ, شىمكەنت قالاسىنا عابيدوللا ءابدىراحيموۆ اكىم بولىپ تاعايىندالدى. جاڭا باسشىلاردىڭ ىسىنە ساتتىلىك تىلەيمىز.

ەركىن قىدىر