2024 جىلعى 27 قاڭتاردا جاتىر موينى وبىرىنىڭ الدىن الۋ اپتالىعى اياسىندا قازاقستاننىڭ وڭىرلىك ونكولوگيالىق ۇيىمدارىندا ايەلدەر ءۇشىن بىرىڭعاي اشىق ەسىك كۇنى وتەدى.
ايەلدەر جاتىر موينى پاتولوگياسى بويىنشا ونكوگينەكولوگتاردان تەگىن كونسۋلتاتسيا الىپ, قارالا الادى. اشىق ەسىك كۇنى استانادا ساعات 09:00-13:00 ارالىعىندا ماناس كوشەسى, 17 مەكەنجايداعى كوپبەيىندى مەديتسينالىق ورتالىقتا وتكىزىلەدى. انىقتاما ءۇشىن تەلەفوندارى: 954033, 954034.
جاتىر موينى وبىرى – جاتىر موينى ەپيتەليىندە پايدا بولاتىن قاتەرلى ىسىك ءارى ول قازاقستاندا ايەلدەردە ءجيى كەزدەسەتىن ونكولوگيالىق اۋرۋلاردىڭ ءبىرى, سونىمەن قاتار بۇل ادام پاپيللوماۆيرۋسىنا (HPV) قارسى ۆاكتسيناتسيالاۋ ارقىلى الدىن الۋعا بولاتىن جالعىز قاتەرلى ىسىك ءتۇرى. كوپ جاعدايدا جاتىر موينى وبىرىنىڭ دامۋىنا ادام پاپيللوماۆيرۋسى (HPV) سەبەپ بولادى. قازاقستاندا ايەلدەر اراسىندا جاتىر موينى وبىرى ءسۇت بەزى وبىرىنان كەيىن ەكىنشى ورىندا تۇر. جىل سايىن «جاتىر موينى وبىرى» دياگنوزى 1800 قازاقستاندىق ايەلگە قويىلادى جانە ءار جىلدا 600 قازاقستاندىق وسى اۋرۋدان قايتىس بولادى. جاتىر موينى وبىرىنا كوبىنە 40-44 جاستاعى ايەلدەر ءجيى شالدىعادى. بۇكىل الەمدە جاتىر موينى وبىرى جىل سايىن شامامەن 600 000 ايەلگە دياگنوز قويىلادى جانە جىل سايىن شامامەن 340 000 ايەل اۋرۋدان قايتىس بولادى. قازاق ونكولوگيا جانە راديولوگيا عىلىمي-زەرتتەۋ ينستيتۋتى ماماندارىنىڭ ايتۋىنشا, الدىن الا قارالىپ, دەر كەزىندە مەديتسينالىق تەكسەرۋدەن وتسە جاتىر موينى وبىرىنىڭ الدىن الۋعا جانە ەمدەۋگە بولادى.
