ورالحانعا ورالۋ

«بiر ەل – بiر كiتاپ» اكتسياسى بويىنشا, بيىل جالپىحالىقتىق وقۋعا قر مەملەكەتتiك سىيلىعىنىڭ لاۋرەاتى, جازۋشى ورالحان بوكەيدiڭ شىعارمالارى تاڭداپ الىندى. بۇل تۋرالى كەشە قر ۇلتتىق كiتاپحاناسىندا وتكەن ءباسپاسوز ءماسليحاتىندا ءمالiم بولدى.
اكتسيانى ۇيىمداستىرۋ كومي­تە­تiنiڭ توراعاسى فاريزا وڭعار­سىنوۆا جيىن بارىسىندا قالا­مى­نىڭ قارىمى بولەك ورالحان بوكەيدiڭ شىعارماشىلىعىنا توقتالدى. ءماسليحاتتا مودەراتور بولعان ادەبيەت سىنشىسى امان­گەلدi كەڭشiلiكۇلى, سەنات دەپۋ­تاتى, اكادەميك عاريفوللا ەسiم, جازۋشى تولەن ابدiك, فيلولوگيا عىلىمدارىنىڭ دوكتورى, پروفەس­سور تۇرسىن جۇرتباي, تەاتر سىن­شىسى اشiربەك سىعاي جانە تاعى باسقا قالامگەرلەر ءسوز سويلەپ, كiتاپ وقۋدىڭ ماڭىزدىلىعى مەن بۇگiنگi ادەبيەت, ادەبي تۋىندى­لاردىڭ وقىلۋى مەن تارالىمى ماسەلەسiن قوزعادى.
ورالحان بوكەي – از عۇمىر كەشسە دە, سوڭىنا مول مۇرا قال­دىرىپ كەتكەن بiرەگەي تۇلعا. ونىڭ ادەبيەتتە الار ورنى مەن وزiندiك قولتاڭباسى جيىن بارى­سىندا جان-جاقتى ءسوز بولدى.
بۇعان قوسا «جاسىن عۇمىر جا­زۋشى» ۆيرتۋالدى كiتاپ كورمەسi مەن «التايدىڭ اقيىق ۇلى» مەتو­ديكالىق قۇرالىنىڭ تۇساۋى كە­سiلدi. ال, فويەدە «كەربۇعى سە­كiلدi قازاقتىڭ كەربەزi» دەگەن تا­قى­رىپپەن كiتاپ كورمەسi قويىلدى.
ادەبي تۋىندىلاردى ناسيحات­تاۋ, قوعامدى كiتاپ وقۋعا ۇگiتتەۋ ماقساتىندا ۇيىمداستىرىلعان «بiر ەل – بiر كiتاپ» اكتسياسى قر مادەنيەت جانە اقپارات مينيستر­لiگiنiڭ قولداۋىمەن قولعا الىن­عان. بيىلعى جىلى ورالحان بوكەي شىعارمالارىن ناسيحاتتاۋ بارى­سىندا ەلiمiز بويىنشا 1123 iس-شارا وتكiزۋ جوسپارلانىپ وتىر.