تاياۋدا قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆانىڭ توراعالىعىمەن قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسى ءوتتى.
وسى جىلدىڭ قاراشا ايىندا مەملەكەت باسشىسى حالىققا «نۇرلى جول – بولاشاققا باستار جول» اتتى جولداۋىندا ارنادى. وسىعان بايلانىستى پىكرىپىن بىلدىرىە كەلىپ, «وسى باستى قۇجاتتىڭ بىر سۇيسىنتەتىن تۇسى – 2015 جىلدان باستاپ جاس وتباسىلارعا باستاپقى جارناسىز جانە پايىزدىق كورسەتكىشى تومەن ۇيلەر سالۋعا 180 ميلليارد تەڭگە قاراجات بولىنەتىندىگى. بۇعان قوسا ىسكەرلىك بەلسەندىلىكتى ارتتىرۋعا, حالىقتى جۇمىسپەن قامتۋعا, ونىڭ الەۋمەتتىك احۋالىن جاقسارتۋعا ارنالعان ناقتى شارالار جۇزەگە اسىرىلاتىن بولادى. اتاپ ايتساق, باسپانانى تىكەلەي, دەلدالدارسىز جانە نەسيەگە بارىنشا تومەن ۇسىنۋ, اپاتتى مەكتەپتەر مەن ۋش اۋىسىمدى وقىتۋ پروبلەمالارىن شەشۋ جانە باسقا دا ماسەلەلەردى شەشۋ ارقىلى ءبىز وتباسىنىڭ جانە وسكەلەڭ ۇرپاقتىڭ ساپالى ءومىرىن قامتاماسىز ەتە الامىز» دەدى گ.ابدىقالىقوۆا.
سونداي-اق, مەملەكەتتىك حاتشى بۇل باعىتتا ايەلدەردى ينفراقۇرىلىمدىق جوبالارعا تارتۋ, ول ءۇشىن جاعداي جاساۋ ءبىزدىڭ كوميسسيانىڭ باستى ماقساتتارىنىڭ ءبىرى بولىپ تابىلاتىندىعىن دا ايتتى.
