كونگرەسس-حولدا V رەسپۋبليكالىق «تاۋەلسىزدىك تولعاۋى» كونكۋرسىنىڭ جانە ءحى رەسپۋبليكالىق «ەلىم مەنىڭ» پاتريوتتىق اندەر كونكۋرسىنىڭ لاۋرەاتتارىن ماراپاتتاۋعا ارنالعان گالا-كونتسەرت ءوتتى.
وتاندىق كومپوزيتورلار مەن دراماتۋرگتەردىڭ, اقىنداردىڭ شىعارماشىلىعىن قولداۋ, ۇلتتىق وپەرا, بالەت جانە مۋزىكا سالاسىنىڭ ءباسەكەلەستىگىن ارتتىرۋ ماقساتىندا ۇيىمداستىرىلعان كونكۋرس بىرنەشە نوميناتسياعا ءبولىندى. بايگەدە باعى جانعاندار رەتى تومەندەگىدەي بولدى.
«قازاقستان رەسپۋبليكاسى كونستيتۋتسياسىنىڭ 20 جىلدىعىنا ارنالعان ەڭ ۇزدىك ءان»: ءبىرىنشى جۇلدە – كومپوزيتور بەيبىت ورالۇلى, اقىن باقىتجان توباياقوۆ.
«حالىق اسپاپتار نەمەسە ەسترادا-سيمفونيالىق وركەسترىنە جازىلعان ەڭ ۇزدىك سالتاناتتى شىعارما»: ءبىرىنشى ورىن – كومپوزيتور ەرمەك ۋمەروۆ.
«قازاقستان حالقى اسسامبلەياسى جىلى» اياسىندا حالىقتار دوستىعىن بەينەلەيتىن ءىرى جانە شاعىن كولەمدى ەڭ ۇزدىك مۋزىكالىق شىعارما: باس جۇلدە – راحات-بي ابدىساعين, ءبىرىنشى ورىن – كومپوزيتور بەيبىت دالدەنباي.
«ۇلتتىق ءداستۇر مەن مادەنيەت» تاقىرىبىنا ارنالعان ەڭ ۇزدىك گرافيكا تۋىندىسى»: ەكىنشى ورىن – سۋرەتشى كۋراش زۋلفيكاروۆ.
«قازاقستان حالقى اسسامبلەياسى جىلى» اياسىندا «استانا – بەيبىتشىلىك پەن كەلىسىم قالاسى» تاقىرىبىنا ارنالعان ەڭ ۇزدىك ءمۇسىن جانە مونۋمەنتالدى ونەر تۋىندىسى»: ءبىرىنشى جۇلدە – ءمۇسىنشى ومىرزاق شانوۆ.
«ەڭ ۇزدىك كومەديالىق شىعارما»: ەكىنشى جۇلدە – ەلەن ءاشىمجان.
ال «ەلىم مەنىڭ» بايقاۋىندا لاۋرەاتتار «اتامەكەن», «امانات» جانە «ءان سال, سارباز!» نوميناتسيالارى بويىنشا انىقتالدى. جەڭىمپازدار باعالى سىيلىقتارمەن ماراپاتتالدى. سونداي-اق, استانا قالاسى مەملەكەتتىك فيلارمونياسى سيمفونيالىق جانە حالىق اسپاپتار وركەسترلەرىنىڭ سۇيەمەلدەۋىمەن جەڭىمپاز اتانعان تۋىندىلاردىڭ تۇساۋكەسەرى ءوتتى.
ەركەجان ساتىمبەك
