– قازاقستان حالقى اسسامبلەياسىنىڭ الدىندا قوعام مەن بيلىك اراسىنداعى ديالوگتى قۇرۋ, بۇكىل قازاقستان حالقىنىڭ توپتاسۋىن, ەلىمىزدە بەيبىتشىلىك پەن ۇلتارالىق كەلىسىمدى قامتاماسىز ەتۋ جونىندەگى اسا ماڭىزدى ميسسيا تۇر. اسسامبلەيانىڭ ءحححىىى سەسسياسىنا قاتىسۋشىلار الدىندا سويلەگەن سوزىندە مەملەكەت باسشىسى كەڭ اۋقىمدى ماسەلەلەر بويىنشا ءوز ۇستانىمىن ايتىپ, ءبىرىنشى كەزەكتەگى مىندەتتەردى اتاپ كورسەتتى.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ەلدەگى سۋ تاسقىنى جاعدايىنا ءوز كوزقاراسىن ءبىلدىرىپ, سۋ اپاتىنىڭ زارداپتارىن جويۋ ءۇشىن بيۋدجەت شىعىندارىن قىسقارتۋعا ۋادە بەردى. ونىڭ ءسوزىن كەلتىرە وتىرىپ, «ەلىمىزدە مەملەكەت قارجىسىن ۇنەمدەۋ رەجيمى ەنگىزىلەتىنىنە» سەنىمدى بولۋعا بولادى. شىعىنداردىڭ قىسقارعانىنا مەملەكەت باسشىسىنىڭ اسسامبلەيانىڭ اعىمداعى سەسسياسىن ونلاين فورماتتا وتكىزۋ تۋرالى شەشىمى دالەل. پرەزيدەنت سونداي-اق «سۋ تاسقىنىمەن كۇرەسكە ەلەۋلى ۇلەس قوسىپ, ناعىز پاتريوتتىق تانىتقان ازاماتتارعا» العىسىن ءبىلدىردى. پاتريوتيزم – ارقايسىمىزدىڭ بويىمىزدا.
ال كوپ جىلداردان بەرى بولماعان الاپات تابيعات اپاتىنا قارسى بىرلەسە كۇرەسكەن كوپ ۇلتتى قازاق ەلىنە دەگەن ماقتانىش سەزىمى بارشامىزدىڭ جۇرەگىمىزدى كەرنەيدى. وتانىمىزدىڭ پاتريوتتارىنىڭ ءبىر جاعادان باس شىعارىپ, بىرلەسكەن ءىس-ارەكەتى قوعامىمىزدىڭ بىرلىگى مەن ىنتىماعىن كورسەتەتىن جالپىحالىقتىق ەرلىك دەۋگە بولادى. جيىندا انالار كەڭەستەرى مەن اقساقالدار كەڭەستەرىنىڭ قىزمەتىن دامىتۋ ارقىلى قازاقستان حالقى اسسامبلەياسىنىڭ ۇستانىمىن «الەۋمەتتىك ينتەگراتسيا مەن بەلسەندى ءپاتريوتيزمنىڭ جەتەكشى ينستيتۋتى رەتىندە» نىعايتۋ تۋرالى ايتتى.
قازاقستان پرەزيدەنتى ءتىل ماسەلەسىنە دە توقتالىپ, «وسى اسا نازىك سالادا ستراتەگيالىق ۇستامدىلىق پەن توزىمدىلىك تانىتۋ» كەرەكتىگىن اتاپ ءوتتى. سونداي-اق ول مەملەكەتتىك ءتىلدىڭ سايىپ كەلگەندە, «ۇلتارالىق قاتىناس تىلىنە» اينالاتىنىنا سەنىم ءبىلدىردى.
قازاقستان حالقى اسسامبلەياسىنىڭ توراعاسى قىزمەتىن اتقاراتىن قاسىم-جومارت توقاەۆ اسسامبلەيا سەسسياسىندا سويلەگەن سوزىندە اتىراۋدا وتكەن قۇرىلتاي وتىرىسىندا نەگىزگى قۇندىلىقتارىمىزدىڭ تىزبەسى ايقىندالعانىن ايتتى.
وسى قۇندىلىقتاردىڭ ىشىندە ادامدارعا جاڭا يدەيالار مەن جاڭا مۇمكىندىكتەر بەرەتىن جاسامپازدىقتى ەرەكشە اتاپ وتكىم كەلەدى. بۇرىنعى جانە قازىرگى كوپتەگەن ۇلى ادامدار ۇلى جاسامپازدار بولدى جانە بولىپ قالا بەرەدى. كوپتەگەن ادامدار ولاردىڭ ەسىمدەرىن بىلەدى, ولاردىڭ تۋىندىلارى بۇكىل ۇرپاقتى شابىتتاندىرادى. وسىنداي كورنەكتى تۇلعالاردىڭ مۇراسى مەن قولجازبالارىنان شەدەۆر جاساۋ جولىنداعى كوپتەگەن باعىتتاردى كورۋگە بولادى. ومىردە دە سولاي. جاسامپازدىقتىڭ ورتاق ىسىنە قۇرمەتكە لايىق ۇلەس قوسۋ ءۇشىن كوپ كۇش قاجەت. ولار اتاقتى ادامدار ما, الدە اتى جوق باتىر ما, ءبارىبىر, ەلدىڭ گۇلدەنۋى مەن تابىستى بولۋى اركىمنىڭ وزىنە بايلانىستى. سىزگە تەك ءوز ەلىڭىزگە جانە ونىڭ تۇرعىندارىنا دەگەن تىلەك پەن سۇيىسپەنشىلىك قاجەت.
قازاق حالقىنىڭ ۇلى اقىنى اباي قۇنانباەۆ «حيكمەتىندە» ونسىز ءومىر ءسۇرىپ, ەڭسەسى كوتەرىلە المايتىن ەكى نارسەنى ايتادى. ول ەكى مىنەزى قايسى دەسەڭ, اۋەلى – ول زاماندا ەل باسى, توپ باسى دەگەن كىسىلەر بولادى ەكەن. كوشى-قوندى بولسا, داۋ-جانجالدى بولسا, بيلىك سولاردا بولادى ەكەن. وزگە قارا حالىق وزدەرىنىڭ شارۋاسىمەن جۇرە بەرەدى ەكەن. ول ەل باسى مەن توپ باسىلارى قالاي قىلسا, قالاي بىتىرسە, حالىقتا ونى سىناماق, بىردەن بىرگە جۇرگىزبەك بولمايدى ەكەن. راسىندا, مەملەكەتتە بۇقارانى باسقارا الاتىن باسشى بولسا جانە حالقىمەن بىرگە بولسا, وندا ورتاق ماقساتتارعا قول جەتكىزە الادى. بىزدە بيىك مىنبەرىنەن اۋىزبىرشىلىكتى, جاسامپازدىق پەن ىلگەرىلەۋشىلىكتى جاقتايتىن, سول ارقىلى حالىقتىڭ يگىلىگى ءۇشىن قامقورلىق جاسايتىن باسشىمىز بار. حالقىمىز ەل بىرلىگىن, بەيبىتشىلىك پەن كەلىسىمدى ساقتاۋعا جانە نىعايتۋعا بار كۇش-جىگەرىن سالىپ, ونى قولداپ, بيىك سانا, تولەرانتتىلىق, وتانسۇيگىشتىك, تۇسىنىستىكتىڭ ۇلگىسىن تانىتادى دەپ سەنەمىن.
تامارا شيرمەر, استانالىق
«وبەرەگ» ۋكرايندار بىرلەستىگىنىڭ باسشىسى
