ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ «سارىارقا» حالىق مۋزىكا ءانسامبلىنىڭ ءارتىسى, مادەنيەت سالاسىنىڭ ۇزدىگى شىعىس ماحاننىڭ «التىن التاي – اۋەنىم» اتتى شىعارماشىلىق كەشى ءوتتى.
كەش يەسى قىتايدىڭ ءۇرىمجى قالاسىنداعى «كوركەم ونەر» كوللەدجىندە وقىدى. ۇلتتىق فولكلوردى ناسيحاتتايتىن باعدارلاما اياسىندا ونىڭ ورىنداۋىنداعى «جىلىپ وتكەن دۇنيە», «جىلقىسىن جاۋ ايداعان جالعىز جىگىت», «ەرتىس تولقىنى», «ءتاتتىم سىلقىم», «سارى بەل», «بوتاسىن اڭساعان بوز ىنگەن», ت.ب. سىبىزعى كۇيلەرى «قازاق» راديوسىنىڭ «التىن قورىنا» ەندى.
شىعىس ماحاننىڭ ۇلت اسپاپتار انسامبلدەرىنە, جەكە سىبىزعىعا جانە پانفلەيتەگە ارنالعان اندەر, كۇيلەرى بار. اتاپ ايتقاندا, «اڭساۋ», «اق تۋلى قوجابەرگەن باتىر», «اللاجار», «اققۋ ارمان», «التاي اسۋ», «استانا ءتۇنى», «ۇكىلى قىز», «اۋىلعا ساعىنىش», «سارى بەل», «قايتقان جاز», «و, مۋزا!», «تاۋ ساعىندىم», «سول داۋرەن», «اق تىلەك», «ساعىنعاندا ءور التاي», «قايران جاستىق», «كوكتەمدى اڭساۋ», «اسىل ەركەم», «ءومىر-اي, ءومىر!», «اساۋ قىران – سارىسۇمبە!» بولىپ جالعاسا بەرەدى.
كونتسەرت كوجابەرگەن باتىر جانىبەكۇلىنىڭ رۋحىنا ارنالدى. كەشتە شىعىس ماحاننىڭ «قوجابەرگەن باتىر» اتتى ءانى ورىندالدى. كەشكە فيلارمونيانىڭ ەسترادالىق, كلاسسيكالىق ۆوكال جانە حالىق ءانى ءبولىمىنىڭ انشىلەرى, «شالقىما» حالىق بي ءانسامبلى, «Alem» زاماناۋي بي بالەتى جانە شاقىرىلعان قوناقتار نۇرجان جانپەيىسوۆ, قۇرمانبەك الىمعازىۇلى, ەرلان رىسقالي, ساكەن ءالىمحان قاتىستى.
