جاقىندا نۇر-سۇلتان قالاسىنىڭ بايقوڭىر, ەسىل جانە سارىارقا اۋداندارىندا قالالىق الەۋمەتتىك سالالار ماماندارى ارداگەرلەردىڭ بەلسەندى توبىمەن بىرلەسكەن كەزدەسۋلەر وتكىزدى.
بايقوڭىر اۋدانىندا وتكەن كەزدەسۋ دوڭگەلەك ۇستەل جاعدايىندا ۇيىمداستىرىلدى. اۋدان ارداگەرلەرى مەن زەينەتكەرلەرىنىڭ قاتىسۋىمەن وتكەن باسقوسۋعا نۇر-سۇلتان قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ايگۇل تالاسوۆا, بايقوڭىر اۋدانى اكىمىنىڭ ورىنباسارى شۇعىلا قۇدايبەرگەنوۆا جانە نۇر-سۇلتان قالاسى «ارداگەرلەر ۇيىمى» رقب استانا قالالىق فيليالى توراعاسىنىڭ ورىنباسارى ساتىبالدى جۇماعاتوۆ قاتىستى. كەزدەسۋ بارىسىندا باسشىلىق قىزمەتتەگى لاۋازىمدى تۇلعالار تاراپىنان اۋدان ارداگەرلەرىنىڭ كوپتەگەن سۇراقتارىنا تولىققاندى جاۋاپ بەرىلدى.
اۋدان ارداگەرلەرىمەن قاتار باستاۋىش ۇيىم جەتەكشىلەرى دە سۇراقتارعا, اتاپ ايتقاندا, دەنساۋلىق, تۇرمىستىق-الەۋمەتتىك ماسەلەلەر مەن جەكەلەگەن ارداگەرلەردىڭ سالاۋاتتى ءومىر ءسۇرۋ ۇستانىمدارىنا دا قاتىستى كوپتەگەن سۇراقتارى مەن كەيبىر شەشىمىن كۇتەتىن ساۋالدارعا جاۋاپ الدى.
استانا قالاسى كمم-ءنىڭ اتقارۋشى ديرەكتورى مۇحتار ەركەتاەۆ 2021 جىلى قۇرىلعان «بەلسەندى ۇزاق ءومىر ءسۇرۋ» ورتالىقتارىنىڭ تيىمدىلىگى مەن ارتىقشىلىقتارى جانە ارداگەرلەرگە تەگىن وتەتىن ءتۇرلى ۇيىرمەلەر تۋرالى وتە انىق ايتىپ, جان-جاقتى ءتۇسىندىرىپ بەردى. ءتورت اۋداندا اشىلعان اتالمىش ورتالىقتارعا قاتىسۋشى ارداگەرلەردىڭ سالاماتتى ومىرگە دەگەن بەلسەندىلىگىن ارتتىرۋعا باعىتتالعان ءىس-شارالار جايىندا كەزدەسۋگە قاتىسۋشىلار حاباردار ەتىلدى.
بۋراباي جانىنداعى استانالىق ارداگەر-زەينەتكەرلەرگە ارنالعان «قاتاركول» وڭالتۋ ورتالىعى جايىندا ايتىلعان سىن از بولعان جوق. ورتالىق بولمەلەرىندەگى جيھازدار مەن توسەك ورىنداردىڭ قولايسىزدىعى جانە كول جاعالاۋىنداعى قاجەتتى ورىنداردىڭ ازدىعى ايتىلدى. وسى مەكەمەنىڭ باسشىسى ا.جانعازيەۆ اتالعان سىن ۋاقىت بارىسىندا تالاپ-تىلەك ەسكەرىلەدى دەپ جاۋاپ بەردى.
سونداي-اق «شامشىراق» باۇ تورايىمى ح.رامازانوۆا «چۋگۋنكا» جانە «كازگورودوك» قالاشىق تۇرعىندارىنىڭ اراسىندا جەكە باستى قاراۋسىز-قامقورلىقسىز قالعان ارداگەرلەردىڭ جاعدايلارى تۋرالى دا ايتىپ, اتالعان اۋداندا شەشىمىن كۇتەتىن ماسەلەلەردىڭ بار ەكەنىن ايتتى. انىعى, سىرقاتتاردىڭ ءۇي جاعدايىندا ەمدەۋ كەستەسىن ەنگىزۋگە جانە ورىن الىپ وتىرعان قىمباتشىلىققا قاتىستى ازىق-تۇلىك سەبەتىن ۇيىمداستىرۋ قاجەتتىلىگىنە ۇسىنىس جاسادى.
قالالىق دەنساۋلىق ساقتاۋ باسقارماسى باسشىسىنىڭ ورىنباسارى گ.دوسمىرزاەۆا شۇعىل قاجەت بولعان جاعدايدا جەدەل جاردەم شاقىرۋعا iKOMEK جۇيەسىنە جۇگىنۋ كەرەك دەپ جاۋاپ بەردى. ال ازىق-تۇلىك سەبەتى بويىنشا ا.تالاسوۆا قاجەت ەتۋشىلەر ءتىزىمى جاسالىپ, مۇمكىندىگىنە قاراي كومەك كورسەتىلەدى دەدى.
وزەكتى ماسەلەلەردىڭ قاتارىندا تۇرعىن ءۇي اينالاسىنىڭ تازالىعى, تاعى باسقا وتباسىلىق-الەۋمەتتىك سالالار بويىنشا دا تىڭداۋعا ۇسىنىلدى. سونىمەن قاتار «شاراپات» ۋاقىتشا ساۋىقتىرۋ قامقورشىلىق ورىندارى تۋرالى ايتىلدى.
ەلوردا تۇرعىندارى اسىعا كۇتكەن كەزدەسۋلەر ەسىل جانە سارىارقا اۋداندارىندا ءوتتى. زەينەتكەرلەردىڭ كوكەيىندەگى سۇراقتارعا جاۋاپ بەرۋ ءۇشىن اۋدان باسشىلارى شاقىرىلدى. سونداي-اق باستاۋىش ۇيىم باستاماشىلارى قاتىستى. نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ت.مۇراتوۆتىڭ كەلمەگەنىنە زەينەتكەرلەر نارازىلىق تانىتتى. قاتىسقان ماماندار تولىققاندى جاۋاپ بەرە المادى.
اتالعان اۋدان تۇرعىندارىن تولعاندىرعان سۇراقتار از بولعان جوق. ەسىل اۋدانى زەينەتكەرلەرىنىڭ الەۋمەتتىك ماسەلەلەرىنە قاتىستى سۇراقتارىنا نۇر-سۇلتان قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينا جاۋاپ بەرىپ, ارداگەرلەرگە ءتۇسىندىردى. الايدا كەزدەسۋ ءبىر ماسەلە عانا ەمەس, جەكە زەينەتكەر ادامعا قاجەتتى تۇرمىستىق قاجەتتىلىك اينالاسىندا ءوربىدى. بۇگىنگى تاڭدا ءومىر ءسۇرۋ بارىسىندا اسا قاجەت ءدارى-دارمەك, ازىق-تۇلىكتىڭ قىمباتتاۋى جانعا باتاتىن, انىعى, از كولەمدە زەينەتاقى الاتىن ادامداردىڭ سۇراقتارى از بولمادى. كوممۋنالدىق تولەماقىلاردىڭ, اتاپ ايتقاندا, گاز جارنالارىنىڭ تولەمى جوعارى بولىپ وتىرعاندىعى جايىندا قويىلعان سۇراقتارعا س.نۇرعوجينا مەن اۋدان اكىمى اسىلبەك ەسەنباەۆ جاۋاپ بەردى.
كەزدەسۋگە قاتىسۋشىلاردىڭ نازارىن اۋدارعان «جاعالاۋ» كتك ە-16 ءۇيدىڭ تۇرعىنى, 90 جاستاعى تىل ەڭبەككەرى يليا امبارتسۋموۆيچ جاساعان بايانداماسى قاتتى اسەرگە بولەدى. ءوز قارجىسىمەن ءوزى تۇراتىن تۇرعىن ءۇي اۋلاسىن اباتتاندىرۋعا كوڭىل ءبولىپ, كوگالداندىرۋعا ۇلەس قوسقانى, ارينە, كوڭىلگە قونىمدى, باسقالارعا اسەرى وڭ اڭگىمە بولدى.
سارىارقا اۋدانىندا وتكەن كەزدەسۋ مازمۇنى قىزۋ سۇراق-جاۋاپقا ۇلاستى. كەزدەسۋ بارىسىندا قويىلعان سۇراقتار مەن ساۋالدار جانە بىلدىرىلگەن نارازىلىق, كوڭىل تولماۋ قوعامدىق دەنساۋلىق دەپارتامەنتىنە حاتتاماعا ءتۇسىرىلىپ, تاعى باسقا قۇزىرلى ورىندارعا جولدانادى.
قوعامدىق دەنساۋلىق ساقتاۋ باسقارماسىنىڭ باستىعى ت.مۇراتوۆتىڭ بىردە-ءبىر كەزدەسۋدە توبە كورسەتپەگەنى زەينەتكەرلەردىڭ قىنجىلىسىن تۋدىردى. استانا زەينەتكەرلەرىنىڭ كوبى جەر ۇيدە تۇرمايتىنى بەلگىلى. جوعارى قاباتتا تۇراتىن زەينەتكەردىڭ جۇرۋگە قاۋقارسىزدىعى ەسكەرىلىپ, قان تالدامالارىن الۋعا بولاتىندىعى بىرنەشە رەت ايتىلدى. وسىنداي الەۋمەتتىك وزەكتى ماسەلەلەردى وڭىنان شەشۋگە ۇسىنىس جاسالدى. كوڭىلىنە ءبىر ءسات دەمەۋ بولاتىن ارنايى اتاۋلى الەۋمەتتىك كومەكتەر كورسەتىلسە دەگەن قاريالار نيەتىن دە جەتكىزدى. 4-15 ءساۋىر ارالىعىندا تىركەلۋ ءتىس ەمدەۋ جانە پروتەزدەۋگە قاتىستى سۇراقتار 4 اۋداندا ورنالاسقان ەمحانالاردا جۇرگىزىلۋدە.
جاسىنا قاراي زەينەتكەرلەر كرەديت الا المايتىنى, جىلۋ, جارىق پەن گازعا قاتىستى تولەماقىلاردى تومەندەتۋ ماسەلەلەرى دە قىزۋ تالقىلاندى.
قالالىق ارداگەرلەر كەڭەسىنىڭ مۇشەسى سالمان گەروەۆ پرەزيدەنت قاسىم-جومارت توقاەۆتىڭ حالىققا جولداۋىندا كورسەتىلگەن 10 ستراتەگيالىق باعىتتىڭ نەگىزگىسى – ادام كاپيتالى جونىندەگى وركەنيەتتى ۇستانىمدارى تۋرالى ءوز پىكىرىمەن ءبولىستى.
اۋدان تۇرعىندارىنىڭ باستاماسىمەن باس بي بولىپ سايلانعان قالالىق ارداگەرلەر كەڭەسى مەدياتوبىنىڭ بەلسەندى مۇشەسى انۋاربەك ەرالى اۋدان ازاماتتارىنىڭ ۇرپاق تاربيەسىندەگى ەلجاندىلىق, وتانشىلدىق قاسيەتتەر, ءتالىم-تاربيە وتباسىنان باستالىپ, قوعامعا قىزمەت ەتەتىن ۇرپاقتاردىڭ جاناشىر بولۋ كەرەگىن كوپشىلىك الدىندا اتاپ ايتتى.
سارىارقا اۋدانىنداعى كەزدەسۋ دە وتە ءتيىمدى ۇيىمداستىرىلىپ, بىرقاتار ۇسىنىس جاسالدى: سەيفۋللين كوشەلەرىنىڭ قيىلىسىنداعى ەسكى گاراجداردىڭ ورنىنا دەمالىس ساياباعىن سالۋ; دارىگەرلىك قابىلداۋلاردى ءبىر جۇيەگە كەلتىرۋ; «كوكتال-1» امبۋلاتورلىق ەمدەۋ ورنى شاعىن, تالاپقا ساي بولۋ; كەيبىر كوشەلەردىڭ بويىندا جىلى ايالداما كابينالارىن ورناتۋ; ايالداما جانىندا كولىك ءجۇرۋ باعىتتارىن كورسەتەتىن تابلو ورناتۋ.
كەزدەسۋ بارىسىندا كوتەرىلگەن كۇردەلى ماسەلەلەر وزەكتى ەكەنىن ايتقان قالالىق ارداگەرلەر كەڭەسىنىڭ توراعاسى سانسىزباي ەسىلوۆ ولاردىڭ ورىندالۋ جاۋاپكەرشىلىگى قالالىق اتقارۋشى ورگانداردىڭ باسشىلارىنا ۇسىنىلاتىنىن جانە وڭ شەشىمى قاتاڭ تۇردە جۇزەگە اسىرىلاتىنىن جەتكىزدى.
مارجان پىرىمبەتوۆا, نۇر-سۇلتان قالاسى
ارداگەرلەر كەڭەسى مەديا-توبىنىڭ مۇشەسى
