بيىل نۇر-سۇلتان قالاسى ساۋلەت, قالا قۇرىلىسى جانە جەر قاتىناستارى بسقارماسى 80 مىڭنان اسا مەملەكەتتىك قىزمەت كورسەتتى.
«بيىلعى تەك 10 ايدىڭ ىشىندە قۇجات اينالىمى 90 مىڭعا جۋىق قۇجاتتى قامتىدى. مىڭعا جۋىق ءوتىنىش WhatsApp مەسسەندجەرى ارقىلى كەلدى. اسىرەسە وسى قىزمەت كارانتين كەزىندە سۇرانىسقا يە بولدى. كارانتين كەزىندە تۇرعىنداردىڭ كوبى جاۋاپتى WhatsApp ارقىلى السا, ازاماتتاردى قابىلداۋ ZOOM پلاتفورماسىنىڭ كومەگىمەن جۇزەگە استى. باسقارما باسشىسى مەن ورىنباسارلارىنىڭ جەكە قابىلداۋىندا 500 ادامداي بولدى. ءبولىم باسشىلارى ءار سارسەنبىدە ازاماتتاردى ساعات 18.00-دەن باستاپ قابىلدايدى» دەدى ۆەدومستۆونىڭ ءباسپاسوز حاتشىسى. بۇدان بولەك, جىل قورىتىندىسى بويىنشا باسقارما 17 مەملەكەتتىك قىزمەتتىڭ 16-سىن كورسەتكەن.
«وسى ءبىزدىڭ قاعاز تۇرىندەگى كەلىسىمنەن مەملەكەتتىك قىزمەتتى ونلاين كورسەتۋگە كوشۋىمىزدىڭ ماڭىزى زور. بۇل ءبىر جاعىنان اكىمشىلىك كەدەرگىلەردى قىسقارتسا, سىبايلاس جەمقورلىق تاۋەكەلىن ازايتادى جانە قانداي دا ءبىر بايلانىس بولماي, قىزمەت الۋشىنىڭ ۋاقىتىن ۇنەمدەيدى» دەلىنگەن حابارلامادا.
