«پيروتەحنيكا» شاراسى باستالدى
ەلوردا پوليتسياسى زاڭسىز ساۋدانىڭ جولىن كەسۋ ماقساتىندا كەشەندى شارالاردى باستاپ كەتتى. ءىىد اكىمشىلىك پوليتسيا باسقارماسىنىڭ قىزمەتكەرلەرى جاڭاجىلدىق مەرەكە قارساڭىندا پيروتەحنيكالىق بۇيىمداردى ساقتاۋ, ەسەپكە الۋ, تاسىمالداۋ, اكەلۋ جانە شىعارۋ ءتارتىبىنىڭ ساقتالۋىن تەكسەرۋدە.
قازىرگى ۋاقىتتا قۇقىق قورعاۋ قىزمەتكەرلەرى كۇندەلىكتى بازارلار مەن كوشە بويىنداعى ساۋدا ورىنداردى قاتاڭ باقىلاۋعا الدى. وسىلايشا, سەرتيفيكاتى جوق ونىمدەردى جەتكىزۋشىلەردى انىقتاۋ كوزدەلۋدە.
«پيروتەحنيكالىق ونىمدەردى اۆتوكولىكپەن تاسىمالداۋ زاڭدىلىعىن تەكسەرۋ بويىنشا «رۋبەج» بەكەتتەرىندە دە جول-پاترۋلدىك پوليتسياسىنىڭ جۇمىسى كۇشەيتىلدى. پيروتەحنيكالىق بۇيىمداردىڭ ساۋداسى سايكەس ليتسەنزياسى بار تەك مامانداندىرىلعان دۇكەندەردە عانا ساتىلۋى ءتيىس» دەيدى ءىىد ءاپب ءبولىم باستىعى باعلان قازبەكوۆ.
ونىڭ ايتۋىنشا, پيروتەحنيكانى زاڭسىز پايدالانۋ دەرەكتەرى انىقتالعان جاعدايدا, زاڭ بۇزۋشىلار قازاقستان رەسپۋبليكاسىنىڭ «اكىمشىلىك قۇقىق بۇزۋشىلىقتار تۋرالى» كودەكسىنىڭ 436-بابى بويىنشا اكىمشىلىك جاۋاپكەرشىلىككە تارتىلادى. جازالاۋ ماقساتىندا 10 اەك كولەمىندە ايىپپۇل تولەۋ زاڭمەن قاراستىرىلعان.
سونداي-اق, «پيروتەحنيكا» جەدەل-الدىن الۋ شاراسى شەڭبەرىندە پوليتسيا توتەنشە جاعدايلار جونىندەگى دەپارتامەنت قىزمەتكەرلەرىمەن بىرلەسىپ, ءتۇسىندىرۋ جۇمىستارىن جۇرگىزۋدە. ەلوردانىڭ كوڭىل كوتەرۋ ورىندارىنىڭ باسشىلارىمەن, مەكتەپكە دەيىنگى جانە ءبىلىم بەرۋ مەكەمەلەرىمەن كەزدەسىپ, ءورت قاۋىپسىزدىگى ەرەجەلەرىن ساقتاۋ جانە پيروتەحنيكالىق ونىمدەردى پايدالانۋعا جول بەرمەۋ تۋرالى كەڭىنەن ايتىلۋدا.