جەكسەنبى كۇنى فۋتبولدان قازاقستان چەمپيوناتى مارەگە جەتتى. پرەمەر-ليگادا العاش رەت شىمكەنتتىڭ «ورداباسى» كومانداسى چەمپيوندىق اتاققا قول جەتكىزدى. كۇمىس جۇلدەگەر –
«استانا», قولا مەدال «اقتوبە» كلۋبىنا بۇيىردى.
سونىمەن كوكتەمدە باستالعان ەل بىرىنشىلىگىندە جاڭا چەمپيون انىقتالدى. ۇلتتىق بىرىنشىلىكتە ءۇزىلىسسىز ويناپ كەلە جاتقان «ورداباسى» كومانداسى بيىل ءبىرىنشى رەت التىن جۇلدەگە قول سوزدى. شىمكەنت قالاسى ءۇشىن بۇل ۇلكەن تويعا اينالدى دەسە بولادى.
ال قازاقستاننىڭ 7 دۇركىن چەمپيونى «استانا» بۇل جولى كۇمىس ەنشىلەدى. سونداي-اق ەل چەمپيوناتىندا 5 دۇركىن جەڭىمپاز بولعان «اقتوبە» بۇل جولى قولانى قاناعات تۇتتى.
بيىلعى چەمپيوناتقا قاتىسقان 14 كوماندا اراسىندا 182 ماتچ ءوتتى. ورتاشا ەسەپپەن ءار ويىندى 5421 جانكۇيەر تاماشالاعان ەكەن.
چەمپيونات قورىتىندىسىندا الداعى جىلعى ۋەفا كلۋبتىق تۋرنيرلەرىندە: چەمپيوندار ليگاسىندا – «ورداباسى», ەۋروپا ليگاسىندا – «استانا», كونفەرەنتسيا ليگاسىندا «اقتوبە» وينايتىن بولدى.
ال «وقجەتپەس» (كوكشەتاۋ), «كاسپي» (اقتاۋ) جانە «اقسۋ» (پاۆلودار) كوماندالارى تۋرنير كەستەسىنىڭ سوڭىندا قالىپ, ءبىرىنشى ليگاعا ءتۇستى. بيىل ءبىرىنشى ليگادا ۇزدىك شىققان «ەلىم-اي» (سەمەي), «تۇران» (تۇركىستان) جانە «جەڭىس» (استانا) كوماندالارى الداعى جىلى پرەمەر-ليگادا ونەر كورسەتەتىن بولدى.
