وتكەن سەنبى كۇنى استاناداعى قاجىمۇقان مۇڭايتپاسوۆ اتىنداعى ورتالىق ستاديونىندا مەملەكەتتىك قىزمەتشىلەر قر تۇڭعىش پرەزيدەنتى – ەلباسىنىڭ اتىنداعى سپورتتىڭ جازعى تۇرلەرى بويىنشا تەست تاپسىردى.
بۇگىندە ادەمى داستۇرگە اينالعان ايتۋلى شارا ەل ىشىندە كەڭ ءورىس العان. وعان بارلىق مەملەكەتتىك قىزمەتكەرلەر بەلسەندى اتسالىسادى. شارا بارىسىندا قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ ءسوز الىپ, سپورتتىڭ بۇقارالىق ءتۇرىن دامىتۋ
– Mەملەكەتىمىزدىڭ ستراتەگيالىق باسىم باعىتتارىنىڭ ءبىرى ەكەنىن جەتكىزىپ, جينالعاندارعا ىزگى لەبىزىن ءبىلدىردى.
پرەزيدەنتتىك سىناق بىرنەشە جاس توپتارىنا بولىنگەن. ايتالىق, 24-39 جانە 40-49 جاس ارالىعىندا قىزمەتكەرلەر سپورتتىڭ 7 ءتۇرى بويىنشا شەبەرلىكتەرىن كورسەتسە, 50-59 جانە 60 جاستان جوعارى كىسىلەر 6 تۇردەن سىناق تاپسىردى. باعدارلاما اياسىندا مەملەكەتتىك قىزمەتكەرلەر كۇش اتاسى اتىنداعى ورتالىق ستاديوندا جەڭىل اتلەتيكا مەن گيمناستيكادان باق سىناسىپ, «الاۋ» مۇز ايدىنىندا پنەۆماتيكالىق قارۋدان نىسانا كوزدەدى. «قازاقستان» سپورت سارايىندا جۇزۋدەن جارىستى. پرەزيدەنتتىك سىناق 12 تامىزعا دەيىن جالعاسادى. سپورتتىق شارانىڭ ناتيجەسى كەشەندى تەستىلەۋ باعدارلاماسى اياقتالعاننان كەيىن جاريالانادى.
ا.قۇسايىن
