«پرومىشلەننىي» پروبلەمالارى شەشىلەدى

الماتى اۋدانىنىڭ اكىمى ەرلان بەكمىرزاەۆ «پرومىشلەننىي» تۇرعىن الابىنىڭ تۇرعىندارىمەن كەزدەسىپ, ولاردى تولعاندىراتىن ماسەلەلەردى تىڭدادى.  

اتالمىش تۇرعىن الاپ حالقىن گازبەن قامتۋ, اباتتاندىرۋدى قالپىنا كەلتىرۋ, جارىقپەن قامتۋ, سانيتارلىق جاعداي, بالالار الاڭدارىن اباتتاندىرۋ, اۋلا كلۋبتارىن اشۋ سياق­تى ماسەلەلەر مازالايدى. اۋدان باسشىسى كەزدەسۋدە ايتىلعان بارلىق پروبلەمالاردىڭ شەشىلۋ جولدارى قاراستىرىلىپ, باقىلاۋعا الىناتىنىن ايتتى. «پرومىشلەننىيدا» تاعى ەكى گاز تاراتۋشى شكافتىڭ قوسىلعانىن حابارلاپ, ولاردىڭ قامتيتىن شەكاراسىن كورسەتىپ بەردى.

ءبىرىنشى شكاف ر.قوشقار­باەۆ داڭعىلى جانە كوكجەلەك كوشەسىن جانە ن.احمەتبەكوۆ پەن قورداي كوشەلەرىن گازبەن قامتيدى. ال ەكىنشىسى ن.احمەتبەكوۆ-شالكودە, شارباقتى-قورداي كوشەلەرىنە گاز تاراتادى.

وسى اۋماقتاردىڭ تۇر­عىندارى ۇيگە گازدى قوسۋعا ءوتىنىش بەرۋ ءۇشىن «كازترانسگاز ايماق» (رەس­پۋبليكا داڭعىلى, 24, «پاراسات» بو) اق-قا بارۋ كەرەك. تولىق مالىمەت الۋ ءۇشىن 55-89-75, ىشكى 1530, 1527, 1534 تەلەفوندارىنا حابارلاسۋعا بولادى.

جالپى الماتى اۋدانى بويىنشا بۇگىنگى كۇنى سەگىزىنشى قوسىلۋ كەشەنىنىڭ 9 گاز تاراتۋشى شكافى گازبەن قامتاماسىز ەتىلدى. ءتيىستى جۇمىس جالعاسىپ جاتىر.