كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا بيزنەسكە قاتىستى شەكتەۋ شارالارىن جەڭىلدەتۋدى ماقۇلدادى.
بيزنەس ءۇشىن Ashyq بويىنشا «جاسىل» جانە «كوك» مارتەبەسى بار ادامدار ءۇشىن ەپيدەميولوگيالىق قاتەردىڭ «جاسىل» جانە «سارى» ايماقتارىندا شەكتەۋسىز, «قىزىل» ايماقتا تولىمدىلىعى 70 پايىزعا دەيىن شەكتەۋمەن رۇقسات ەتىلەدى. ال تۇرعىندار ءۇشىن, ەگەر ەكىنشى كومپونەنتتى العاننان كەيىن 6 ايدان اسپاسا, رەۆاكتسينالاۋدىڭ نەمەسە ۆاكتسينالاۋدىڭ تولىق كۋرسىن العان قازاقستان ازاماتتارى ءۇشىن ەلگە كىرەر كەزدەگى مىندەتتى پتر-تەستىلەۋ توقتاتىلادى. پتر-تەستسىز ۆاكتسينالاۋ پاسپورتتارىن ءوزارا مويىندايتىن شەتەل ازاماتتارىنا ەلگە كىرۋگە رۇقسات ەتىلەدى. اۋرۋ بەلگىلەرى بولماعان جاعدايدا ناۋقاسپەن بايلانىستا بولعان ادامداردى ءۇي كارانتينىنە وقشاۋلاۋ توقتاتىلادى. مۇمكىندىگى شەكتەۋلى ادامدار مەن 50 جاستان اسقان ادامداردى رەۆاكتسينالاۋ كەزىندە, مۇمكىندىگى شەكتەۋلى تۇلعالاردى ۆاكتسينالاۋ ءۇشىن, سونداي-اق ۆاكتسينانىڭ ءبىرىنشى كومپونەنتىن قازاقستاننان تىس جەرلەردە العان ادامداردىڭ ۆاكتسينالاۋ كۋرسىن اياقتاۋى ءۇشىن «Pfizer» ۆاكتسيناسىن قولدانۋ رۇقسات ەتىلەدى.
