ەلورداداعى دوستىق ۇيىندە قازاقستان حالقى اسسامبلەياسىنىڭ ۇيىمداستىرۋىمەن «تاۋەلسىزدىكتىڭ 30 جىلى: بەيبىتشىلىك, كەلىسىم, بولاشاعى ءبىرتۇتاس ۇلت» اتتى حالىقارالىق كونفەرەنتسيا ءوتتى.
وعان قازاقستان رەسپۋبليكاسى پرەزيدەنتى اكىمشىلىگىنىڭ وكىلدەرى, قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى, ەلشىلىك وكىلدەرى, قازاقستان حالقى اسسامبلەياسىنىڭ مۇشەلەرى, قوعام جانە مەملەكەت قايراتكەرلەرى, ەلوردانىڭ ەتنومادەني بىرلەستىكتەرىنىڭ باسشىلارى قاتىستى.
ءىس-شارانىڭ ماقساتى – تاۋەلسىزدىكتىڭ 30 جىلدىق مەرەيتويىنىڭ ماڭىزدىلىعىن, قازاقستاندىق قوعام دامۋىنىڭ پەرسپەكتيۆالارى مەن باعىتتارىن, قازاقستان حالقىن بىرىكتىرەتىن جانە ونىڭ بىرلىگىن نىعايتاتىن ورتاق ۇيىستىرۋشى قۇندىلىقتار مەن يدەيالاردى تالقىلاۋ جانە قازاقستاننىڭ تۇڭعىش پرەزيدەنتى – ەلباسى ن.نازارباەۆتىڭ تاۋەلسىز قازاقستاننىڭ قالىپتاسۋى مەن دامۋىنداعى, سونداي-اق ەتنوسارالىق جانە كونفەسسياارالىق كەلىسىمنىڭ قازاقستاندىق مودەلىنىڭ نەگىزىن قالاۋشى رەتىندەگى ءرولىن اشۋ.
«ۇلت كوشباسشىسىنىڭ باسشىلىعىمەن ءبىز بۇگىن ەلدە دە, دوستىقتا دا كەرەمەت ناتيجەلەرگە قول جەتكىزدىك دەپ سەنىممەن ايتا الامىن. قازاقستان ءبىزدىڭ كورشىلەرىمىز ءۇشىن, اتاپ ايتقاندا, رف ءۇشىن ۇلگى, ويتكەنى اسسامبلەيا – ءبىزدىڭ ەل اۋماعىندا تۇراتىن ءاربىر ەتنوستىڭ داستۇرلەرى مەن وزىندىك ەرەكشەلىگىن ساقتايتىن بىرەگەي ينستيتۋت رەتىندە كوپتەگەن ادامدار ءۇشىن ۇلگى» دەدى قر پارلامەنتى ءماجىلىسىنىڭ دەپۋتاتى ناتاليا دەمەنتەۆا.
كونفەرەنتسيا جۇمىسى تاۋەلسىزدىكتىڭ 30 جىلدىعىنا ارنالعان قايىرىمدىلىق شاراسىمەن جالعاسادى. ەلوردالىق ەتنومادەني بىرلەستىكتەردىڭ اتىنان 55 مۇقتاج وتباسىعا ازىق-تۇلىك جيىنتىعى تابىس ەتىلەدى.
