قالالىق ءماسليحاتتىڭ قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسياسىنىڭ وتىرىسى ءوتتى. دەپۋتاتتاردىڭ قاراۋىنا 2017-2019 جىلدارعا ارنالعان بيۋدجەت جوباسى ۇسىنىلدى.
بيۋدجەتتىك باعدارلامالار اكىمشىلەرى بولىپ تابىلاتىن استانا قالاسىنىڭ قۇرىلىس, تابيعي رەسۋرستار جانە تابيعات پايدالانۋدى رەتتەۋ باسقارمالارى, تۇرعىن ءۇي ينسپەكتسياسى باسشىلارى بايانداما جاساپ, الداعى ءۇش جىلدىققا ارنالعان بيۋدجەتتەرىنىڭ جوبالارىن تالقىعا سالدى.
بيۋدجەت جوباسىندا ءبىلىم, دەنساۋلىق ساقتاۋ, الەۋمەتتىك قامسىزداندىرۋ نىساندارىن دامىتۋعا, تۇرعىن ۇيلەردى جانە ينجەنەرلىك-كوممۋنيكاتسيالىق ينفراقۇرىلىمدى دامىتۋ, قورشاعان ورتانى قورعاۋ, قالانى اباتتاندىرۋعا جانە كوگالداندىرۋعا ارنالعان شىعىستارى كورسەتىلگەن.
ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ءالىبي جۇماەۆ «استانا قالاسىنىڭ 2017-2019 جىلدارعا ارنالعان بيۋدجەتىنىڭ جوباسى تۋرالى» بايانداماسىندا قالانىڭ وسى مەرزىمگە دەيىنگى توعىز ايلىق الەۋمەتتىك-ەكونوميكالىق كورسەتكىشىنىڭ تۇراقتى دامۋ ۇدەرىسىنە توقتالدى.
الداعى جىلداردىڭ ۇلەسىندەگى اتقارىلار جۇمىستاردىڭ رەتىنە كەلسەك, جوبادا قۇرىلىس باسقارماسى ءۇش جىلدىق كەزەڭدە 48 980,9 ملن تەڭگە يگەرۋدى جوبالاپ وتىر. ونىڭ ىشىندە 21 777,5 ملن تەڭگە جەرگىلىكتى بيۋدجەتتەن, 20 281,2 ملن تەڭگە رەسپۋبليكالىق بيۋدجەتتەن قاراستىرىلماق.
اتالمىش باسقارمانىڭ قىزمەتى اعىمداعى ەكى باعدارلاما بويىنشا جانە توعىز بيۋدجەتتىك دامۋ باعدارلاماسى شەڭبەرىندە جۇزەگە اسىرىلادى. مەكتەپكە دەيىنگى تاربيە مەن وقىتۋ نىساندارىنىڭ قۇرىلىسى مەن قايتا جاڭعىرتۋعا 3 560,0 ملن تەڭگە ءبولىنىپ, ونى اتالمىش مەرزىمدە ساتىلاپ يگەرۋ كوزدەلۋدە. قالاداعى اپاتتى ۇيلەردى ءسۇرۋ جۇمىسى دا جالعاسىن تاپپاق. ەسەپتە كورسەتىلگەن ءۇش جىلدىڭ كولەمىندە 64,3 ملن تەڭگە قاراستىرىلعان.
استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى دا بىرنەشە باعدارلاما بويىنشا قىزمەتىن ۇيىمداستىرادى. قورشاعان ورتانى قورعاۋعا قاتىستى ءتۇرلى شارالاردى ىسكە اسىرۋ, قالانىڭ «جاسىل بەلدەۋىن» دامىتۋ جانە اباتتاندىرۋ, كوگالداندىرۋ بويىنشا بىرقاتار جۇمىستاردى جوبالاپ وتىر.
كوميتەت وتىرىسىنا جينالعان دەپۋتاتتار بيۋدجەت جوباسىنا قاراستىرىلۋى ءتيىس بىرقاتار ماسەلەلەرگە توقتالدى. جاڭا قۇرىلىستاردىڭ قولجەتىمدىلىگىمەن قاتار, ساۋلەتتىك جاعىنان دا ۇيلەسىمدىگىن قاداعالاۋ قاجەتتىگىن ايتتى.
ەسىل وزەنىنىڭ وڭ جاعالاۋىنداعى «ەسكى قالانىڭ» دا وزىندىك كەلبەتىن قالىپتاستىرۋعا نازار اۋدارۋدى ەسكەرتتى.
ايگۇل ۋايسوۆا
