زاڭناما تالاپتارىنا سايكەس 2016 جىلعى 30 شىلدەدەن باستاپ قالانىڭ مارشرۋتتىق جەلىسىنە سايكەستەندىرۋ ءۇشىن № 27, 43, 45 باعدارلار قوزعالىسىن توقتاتادى. بۇل رەتتە اتالعان باعىتتار بويىنشا قالا ماڭىنا قاتىنايتىن № 303, 304, 305, 306, 307 مارشرۋتتاردىڭ قوزعالىس جيىلىگى ارتادى.
سونىمەن قاتار, 11 ماۋسىمنان باستاپ № 37, 39, 53 جاڭا قالالىق مارشرۋتتارى ىسكە قوسىلدى, ولاردىڭ قالا ىشىندەگى قوزعالىسى № 27, 43, 45 اۆتوبۋستاردىڭ كەستەسىنە تولىعىمەن ساي كەلەدى.
مۇنىمەن قوسا, ۇستىمىزدەگى جىلدىڭ 30 شىلدەدەن باستاپ № 35, 38, 105 اۆتوبۋستاردىڭ قوزعالىس سىزباسى قالانىڭ اكىمشىلىك شەكاراسىمەن شەكتەلەتىن بولادى.
– № 37 مارشرۋت تەمىرجول ۆوكزالىنان عارىش ورتالىعىنا دەيىن جۇرەدى. ەسەنبەرلين, مولداعۇلوۆا كوشەلەرى, رەسپۋبليكا, قابانباي باتىر جانە تۇران داڭعىلدارىن قامتيدى.
– № 39 مارشرۋت «استانا ينەرت» ايالداماسىنان باستالادى, وقجەتپەس, ك. بايسەيتىوۆا كوشەلەرىمەن, تىلەنديەۆ, بوگەنباي باتىر داڭعىلدارىمەن جانە الاش تاسجولىمەن جۇرەدى. مارشرۋتتىڭ سوڭعى ايالداماسى – «شارىن» بازارى.
– № 53 مارشرۋت قوزعالىسىن «شارىن» بازارىنان باستاپ, «كلينيكالىق-وڭالتۋ كەشەنىنە» دەيىن جۇرەدى, الاش تاسجولى, بوگەنباي باتىر, تۇران, قابانباي باتىر داڭعىلدارىن, سونداي-اق, ت. رىسقۇلوۆ پەن ورىنبور كوشەلەرىن قامتيدى.
ايتا كەتەيىك, «اۆتوموبيل كولىگى تۋرالى» قازاقستان رەسپۋبليكاسى زاڭىنىڭ 8-بابى 3-تارماعىنىڭ 1-ءشى جانە 2-ءشى تارماقشالارى بويىنشا جولاۋشىلار مەن باگاجدى رەسپۋبليكاىشىلىك تاسىمالداۋ اكىمشىلىك-اۋماقتىق بەلگىلەرىنە قاراي مىناداي تۇرلەرگە بولىنەدى:
– قالالىق (اۋىلدىق) – ەلدى مەكەننىڭ بەلگىلەنگەن شەكاراسىنىڭ شەگىندەگى تاسىمالداۋ;
– قالا ماڭىنداعى – ەلدى مەكەننىڭ بەلگىلەنگەن شەكاراسىنان باستاپ ەسەپتەلەتىن, ۇزاقتىعى ەلۋ كيلومەترگە دەيىنگى قالا ماڭىنداعى ايماقتاعى ەلدى مەكەنمەن جالعاستىراتىن مارشرۋتتار بويىنشا تاسىمالداۋ.
astana.gov.kz
