جاڭالىقتارقالا تىرشىلىگى
قار تازالاۋ قاتتى قاداعالانادى
استانا قالاسىنىڭ سانيتاريالىق جاعدايىن جاقسارتىپ, جول قوزعالىسىنىڭ قاۋىپسىزدىگىن قامتاماسىز ەتۋ ماقساتىندا ىشكى ىستەر دەپارتامەنتىنىڭ اكىمشىلىك پوليتسيا بولىمشەلەرى جولدار مەن ورامىشىلىك كوشەلەردى باقىلاۋعا الدى.
تەكسەرۋ بارىسىندا پوليتسيا قىزمەتكەرلەرى جولداردىڭ ءجۇرىس بولىكتەرى مەن اۋلالاردا جينالىپ قالعان قاردان ارىلتۋ ءۇشىن فوتوماتەريالدار دايىندادى.
قالا كوشەلەرىندەگى قاردى تازالاۋ ءۇشىن پوليتسەيلەر اۋداندىق اكىمدىكتەرگە التى ءجۇز وتىز جەتى فوتوماتەريال ۇسىندى. اتاپ ايتقاندا, الماتى اۋدانى بويىنشا – 237, سارىارقا اۋدانى بويىنشا – 200, ەسىل اۋدانى بويىنشا 200 سۋرەت جينالعان.
بارلىق فوتوماتەريالدار اۋداندىق اكىمدىكتەرگە جىبەرىلىپ, پاتەر يەلەنۋشىلەر كووپەراتيۆى اۋماقتارىنا تەكسەرۋ جۇرگىزىلدى. اۋماقتارداعى قاردى ۋاقتىلى ءارى ساپالى جيناماعانى, سونىمەن قاتار, باسقا دا قۇقىق بۇزۋشىلىقتارعا جول بەرگەنى ءۇشىن وتىز جەتى پيك ءتوراعاسى جالپى كولەمى 1 166 760 تەڭگەگە اكىمشىلىك جاۋاپكەرشىلىككە تارتىلدى.
ساعي ورال