قاراپايىم زاتتار ەكونوميكاسىن دامىتادى

كەشە ەلوردادا قازاقستان جەڭىل ونەركاسىپ كاسىپورىندارىنىڭ ءى سەزى ءوتتى. سەزد بارىسىندا قالا اكىمى التاي كولگىنوۆ ەلىمىز بەن ەلوردا «قاراپايىم زاتتار ەكونوميكاسىن» دامىتۋعا ەرەكشە نازار اۋداراتىندىعىن اتاپ ءوتتى.بۇل رەتتە ەلوردا اكىمى «قاراپايىم زاتتار ەكونوميكاسى» باعدارلاماسىن دامىتۋدىڭ 2 باعىتى قاراستىرىلعانىن, اتاپ ايتقاندا, جەڭىلدىكپەن نەسيە بەرۋ جانە جەرگىلىكتى مازمۇن ۇلەسىن ۇلعايتۋ كوزدەلىپ وتىرعانىن جەتكىزدى.
«وسى باعىتتا جۇمىستار اتقارىلىپ جاتىر, كاسىپكەرلەرمەن كەزدەسىپ, قولداۋ كورسەتەمىز. ماسەلەن, «Astana يۋتاريا Ltd» كومپانياسىن قاراستىراتىن بولساق, بۇل كومپانيا – وتاندىق جەڭىل ونەركاسىپتىڭ قالاي دامي الاتىنىن كورسەتەتىن جاقسى مىسالداردىڭ ءبىرى. بۇل سالادا باسەكەلەس­تىك ۇلكەن ەكەنى تۇسىنىكتى. تۇرعىندار ديزاينعا, ساپاعا, باعاعا اسا نازار اۋدارادى. قازىر كومپانيادا 500-گە جۋىق ادام جۇمىس ىستەسە, ءونىمنىڭ 25%-ى ەكسپورتقا شىعادى. سۇرانىس وتە ۇلكەن. جەڭىل ونەركاسىپ وندىرۋشىلەرىنىڭ مەكتەپ فورماسىن تىگە الاتىنىنا قۋانىشتىمىز. وسىنداي بەتكەۇستار, ۇلگىلى كومپانيالارىمىز كوپ, بىراق ءالى دە كوپتەگەن جۇمىستار اتقارۋىمىز كەرەك . تاجىريبە جيناقتاپ, ءاردايىم ءونىم ساپاسىنا اسا ءمان بەرۋ كەرەك» دەدى قالا باسشىسى.
قۇرىلتايعا 120-دان اسا جەڭىل ونەركاسىپ كاسىپورىندارى قاتىستى. شارا سوڭىندا ەلوردا اكىمدىگى تاراپىنان قاتىسۋشىلارعا, حالىقتىڭ الەۋمەتتىك ءالسىز توپتارىنا جاتاتىن تۇرعىندارعا تىگىن ماشينالارى سىيعا تارتىلدى.