كەشە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ باس عيماراتىندا وسى وقۋ ورنىنىڭ رەكتورى ەرلان سىدىقوۆتىڭ توراعالىعىمەن «حالىق تاريح تولقىنىندا» اتتى قازاقستان تاريحشىلارىنىڭ ەكىنشى كونگرەسى ءوتتى.
استانادا بۇعان دەيىن باستاۋ العان «تاۋەلسىز قازاقستان مەملەكەتتىلىگى: قالىپتاسۋى مەن دامۋ كوكجيەگى» اتتى تاريحشىلاردىڭ ءى كونگرەسى بارىسىندا قازاق تاريحىن جازۋدا كەڭەس وكىمەتى تۇسىندا كەتكەن كەم-كەتىكتىڭ ورنىن تولتىرىپ, وتانىمىزدىڭ وتكەن كەزەڭدەرىن جان-جاقتى زەرتتەۋ قاجەتتىگى, ول ءۇشىن شىعىس پەن باتىس جىلناماشىلارىنىڭ دەرەكتەرىن ءتيىمدى پايدالانۋىمىز تيىستىگى ايتىلعان بولاتىن. ال, جۇزگە جۋىق تاريحشى-عالىمداردىڭ قاتىسقان بۇل جولعى عىلىمي باسقوسۋى ءۇش سەكتسيالى جۇمىس نەگىزىندە ءوربىدى. ونىڭ بىرىنشىسىندە بايانداماشىلار كونە جانە ورتا عاسىر داۋىرىندە قازاق ەلى مەكەن ەتكەن ەتنوستار تۋرالى دەرەكتەرگە, ەكىنشىسىندە تاۋەلسىزدىك العان جاڭا داۋىردەگى ماڭىزدى وقيعالارعا, ۇشىنشىسىندە تاريح عىلىمىنداعى زەرتتەۋلەردى جوبالاۋ, ونى وقىتۋ مەن جاڭا تەحنولوگيالىق ادىستەردى ەنگىزۋدىڭ ءجون-جوسىعىنا كەڭىرەك توقتالدى.
ەركەعالي بەيسەنوۆ
