2016 جىلى 11 قازان كۇنى ساعات 22.00-دە «استانا ارەنا» ستاديونىندا قازاقستان مەن رۋمىنيا اراسىنداعى ۇلتتىق قۇرامالار فۋتبول ماتچى وتەدى.
وسىعان وراي بۇگىن 20.00-دەن باستاپ قابانباي باتىر جانە تۇران داڭعىلىنىڭ كەرەي جانىبەك حاندار كوشەسىنەن حۋسەين بەن تالال كوشەسىنە دەيىنگى جول قوزعالىسى ماتچ اياقتالعانعا دەيىن توقتاتىلادى. جۇرگىزۋشىلەرگە ورىنبور كوشەسىمەن اينالىپ ءجۇرۋ ۇسىنىلادى.
استانا قالاسى ءىىد جەرگىلىكتى پوليتسيا قىزمەتى جۇرگىزۋشىلەردەن جولدا مۇقيات بولۋىن جانە بۇقارالىق شارانىڭ وتۋىنە بايلانىستى جەكە كولىكتەرىنەن باس تارتۋدى سۇرايدى. استانا قالاسى حالىقارالىق اۋەجايىنا جول ءجۇرۋدى جوسپارلاعان ازاماتتارعا جانە جاقىن اۋداندارداعى تۇرعىندارعا الدىن-الا بالامالى جول قوزعالىسىن جوسپارلاۋدى ۇسىنامىز.
فۋتبول ماتچى جانكۇيەرلەرىنە جينالۋ جانە جەتكىزۋ ارنايى رەيستارمەن بەس پۋنكتتەن كەلەسى مەكەن-جاي بويىنشا جۇرگىزىلەدى:
- «قازاقستان» سك كولىك تۇراعىنان (قاجىمۇقان كوشەسى);
- «حازرەت سۇلتان» مەشىتىنەن (قوشقارباەۆا داڭعىلى);
- «نۇر استانا» مەشىتىنەن (شىعىس جاعىنىڭ كولىك تۇراعى );
- قالالىق تسيرك كولىك تۇراعىنان (قورعالجىن شوسسەسى كولىك تۇراعى);
- ق.مۇڭايتپاسوۆ اتىنداعى ستاديوننىڭ كولىك تۇراعىنان (كەنەسارى كوشەسى).
