استانادا ازىق-تۇلىك سالاسىن دامىتۋدى ماقسات ەتكەن تاعى ءبىر اۋقىمدى جوبا جۇزەگە استى. استانا قالاسىنىڭ كاسىپكەرلەر پالاتاسى وكىلدەرىنىڭ قاتىسۋىمەن زاماناۋي ساۋدا-لوگيستيكالىق قويما كەشەنى مەن «روكوس» كومپانيالار توبىنىڭ باس كەڭسەسى سالتاناتتى تۇردە بوي كوتەردى.
– ەلوردا ءوندىرىسىن دامىتۋعا, قايتا وڭدەۋگە جانە باس قالاعا ازىق-تۇلىك جەتكىزۋدە بۇل كەشەننىڭ قوسار ۇلەسى باسىم بولماق. زاماناۋي كاسىپورىننىڭ اشىلۋى استانادا كاسىپكەرلىكپەن اينالىسۋدىڭ تيىمدىلىگىن تاعى دا ءبىر مارتە دالەلدەيدى, – دەيدى قالالىق كاسىپكەرلەر پالاتاسىنىڭ ديرەكتورى مەيىربەك ءماجيتوۆ.
اتالمىش كاسىپورىننىڭ اۋماعى – 6258 شارشى مەتر. مۇندا جوعارى جانە تومەنگى تەمپەراتۋراداعى ارناۋلى كامەرالار جۇمىس ىستەيدى.
ايتا كەتكەن ءجون, باس كەڭسەسى اشىلعان «روكوس» كومپانيالار توبى بۇگىندە «Silla» ەت وڭدەۋ كومبيناتى, «Silla» دۇكەندەر جەلىسى, «Laۆrioسhe» كونديتەرلىك دۇكەنى, «چيندالە» مەيرامحاناسى جانە «روكوس-لوگيستيك» مەكەمەسى سەكىلدى ءتۇرلى كاسىپورىنداردىڭ باسىن بىرىكتىرەدى.
گۇلميرا شارحانقىزى
