بيىل ەلوردادا وڭىرلىك تاۋار وندىرۋشىلەردىڭ قاتىسۋىمەن 12 جارمەڭكە وتكەن ەكەن.
تۇرعىنداردىڭ ايتۋىنشا بيىلعى جارمەڭكە باسقا جىلدارداعىدان وزگەشە وتكەن. سەبەبى كوپشىلىك سانيتارلىق ەرەجەلەردى ساقتاپ, قولجەتىمدى باعادا ءوز قاجەتتىلىكتەرىن تاپقان. «ءبىز وتاندىق ءونىمدى ارقاشان قولدايمىز. مۇندا ءبارى تابيعي ونىمدەر. بازار باعاسىنان 2-3 ەسە ارزان. جارمەڭكەنى ءار اپتا سايىن اسىعا كۇتىپ, ءجيى كەلىپ ءجۇرمىز. اۋىلشارۋاشىلىق ونىمدەرىنىڭ بارلىعى – كۇندەلىكتى تۇرمىستا قولدانىلاتىن تاۋارلار. ەڭ باستىسى, وسى جەردىڭ اتموسفەراسىنىڭ وزىنەن كوڭىل-كۇيىمىز كوتەرىلىپ قايتادى. ءبىز ءۇشىن جارمەڭكە تاپ ءبىر مەرەكە كۇنى سياقتى» دەدى قالا تۇرعىنى ۇلجان بايماحانوۆا.
«جارمەڭكەدە تاڭعى 8-دەن باستاپ ءجۇرمىز. اكەلگەن تاۋارلارىمىزدىڭ بارلىعىنا سۇرانىس جوعارى. بىلتىر كەلىپ ءسابىز, قيار العان تۇرعىندار قايتا كەلىپ الىپ, «تاعى قاشان كەلەسىڭدەر؟» دەپ سۇراۋدا. ەڭ باستىسى, حالىق ريزا, – دەدى جەكە كاسىپكەر مانات ديۋسەلەكوۆ.
