نۇر-سۇلتان قالاسىنىڭ اكىمى التاي كولگىنوۆ ءوزىنىڭ Instagram پاراقشاسىندا قالاداعى ينۆەستيتسيالىق جوبالاردىڭ جۇزەگە اسىرىلۋى جايىنان حاباردار ەتتى.
«پاندەميا باستالعاننان بەرى بىرقاتار قالالىق كاسىپورىندار مەديتسينالىق ماسكا تىگۋگە كىرىستى. ءوز تاراپىمىزدان بارلىق قاجەتتى كومەكتى كورسەتەمىز. بۇگىن بەتتۇمشا تىگۋگە كىرىسكەن تاعى ءبىر كاسىپورىننىڭ جۇمىسىمەن تانىستىم. قازىر بۇل كاسىپورىن ايىنا 2 ملن ماسكا شىعارادى. تولىق وندىرىستىك قۋاتى – ايىنا 5 ملن ماسكا.
ينۆەستيتسيالىق كەڭەستە قولداۋ تاپقان قۇبىر شىعاراتىن زاۋىتتىڭ قۇرىلىس بارىسىمەن تانىستىم. ىشكى نارىقتا وسى ماتەريالدارعا ۇلكەن سۇرانىس بار. تۇرعىن ءۇي-كوممۋنالدىق شارۋاشىلىعىن جاڭعىرتۋ, جاڭا نىساندار سالۋ, جەراستى ينجەنەرلىك جەلىلەرىن اۋىستىرۋ جانە جيھاز فابريكاسىنىڭ قۇرىلىسى, ت. ب. كەزىندە قاجەت.
بۇعان دەيىن ينۆەستيتسيالىق كەڭەستە ءدارى-دارمەكتەردى تاراتۋ ورتالىعىنىڭ (قويماسىنىڭ), كوتەرمە-تاراتۋ ورتالىقتارىنىڭ قۇرىلىسى دا قولداۋ تاپقان بولاتىن. پاندەميا مۇنداي جوبالاردىڭ قاجەت ەكەنىن كورسەتتى. ءار ينۆەستورمەن جۇمىس ىستەيمىز. ينۆەستيتسيالىق كەڭەستە قولداۋ تاپقان جوبالاردىڭ ىشىندە ينفراقۇرىلىمدىق, وندىرىستىك, الەۋمەتتىك, لوگيستيكالىق جانە باسقا دا جوبالار بار. قۇرىلىس جەكە قاراجات ەسەبىنەن جۇزەگە اسىرىلادى» دەپ جازدى قالا باسشىسى.
