سۋ بەيحايدىڭ «قازاقتىڭ جالپى تاريحى» اتتى 4 تومدىق ەڭبەگى قازاق تىلىندە جارىق كوردى.
ەلىمىزدىڭ عىلىم جانە ءبىلىم مينيسترلىگى عىلىم كوميتەتىنىڭ جوباسى اياسىندا قىتاي عالىمى سۋ بەيحايدىڭ «قازاقتىڭ جالپى تاريحى» اتتى 4 تومدىق ەڭبەگى قازاق تىلىنە اۋدارىلىپ باسپادان شىقتى. بۇل – تاۋەلسىز ەلىمىزدىڭ ءتول تاريحناماسىنا قوسىلعان قوماقتى ۇلەس, قىتايتانۋ باعىتىنداعى ۇلكەن قادام.
اتالعان ەڭبەكتىڭ جالپى كولەمى فاكسيميلەسىمەن قوسا ەسەپتەگەندە 181 باسپا تاباقتان, 2884 بەتتەن تۇرادى. جوبا جەتەكشىسى – تۇرسىنحان زاكەنۇلى. بۇل ەڭبەك تەك قازاقستان تاريحىمەن عانا شەكتەلمەيدى, قازاق حالقى تاريحتا ءومىر سۇرگەن ەتنو-مادەني كەڭىستىكتى تۇتاسىمەن قامتيدى. سونىمەن بىرگە, اۆتور قازاق تاريحىن جالپى الەمدىك تاريحي ۇدەرىستەر اياسىندا قاراستىرعان. قازاقستانمەن كورشى جاتقان ايماقتارداعى تاريحي ۇدەرىستەردىڭ تىكەلەي جانە جانامالاي اسەرلەرىنە كوڭىل بولگەن. وندا تاريحي وقيعالاردى داۋىرلەۋ مەن مازمۇنداۋدىڭ وزىنە ءتان ۇستانىمى باسشىلىققا الىنعان. تاريحي وقيعالاردى زەرتتەپ-زەردەلەۋدە نەگىزىنەن قىتاي دەرەكتەرىن باسشىلىققا العان.
جوبانى ورىنداۋ بارىسىندا جوبا جەتەكشىسى ءى, ءىى, IV تومدارىن اۋدارىپ, العى ءسوزىن جانە ساراپتاۋلارى مەن تۇسىنىكتەرىن جازدى ءارى جالپى رەداكتسياسىن باسقارىپتى. قالعان تاراۋلارىن اۋدارۋعا ايگۇل قادىسقىزى ء(ىىى تومدى اۋدارعان), ەركىنجان سىلامحانۇلى, قالياكبار ۇسەمحانۇلى اتسالىسسا, داناگۇل ماحات, جانار سماحانوۆا, د. ماراتوۆا عىلىمي رەداكتورلىق قىزمەتى مەن سالىستىرۋ جۇمىستارىن جۇرگىزىپ, تەحنيكالىق جۇمىستارىن جاسادى. تاريح عىلىمدارىنىڭ دوكتورلارى تالاس وماربەكوۆ, ابدىۋاقاپ قاراعا (تۇركيا رەسپۋبليكاسى), جامبىل ارتىقباەۆ سياقتى تانىمال عالىمدار كىتاپقا ارناۋلى پىكىر جازعان.
