ەلوردادا ءال-ءفارابيدىڭ 1150 جىلدىق مەرەيتويىنا وراي ۇيىمداستىرىلعان قالالىق «مەي̆ىرىمدى قالا تۇرعىندارى» اتتى ەسسە كونكۋرسىنىڭ جەڭىمپازدارى مەن جۇلدەگەرلەرى ماراپاتتالدى.
قازىلار القاسىنىڭ توراعاسى فيلولوگيا عىلىمدارىنىڭ دوكتورى, اكادەميك, الاشتانۋشى ديحان قامزابەكۇلى ءوز سوزىندە قاتىسۋشىلار مەن ءىس-شارانى ۇيىمداستىرۋشىلارعا العىسىن ايتىپ, كونكۋرسقا كەلىپ تۇسكەن كەي جۇمىستاردىڭ مازمۇنى مەن ەرەكشەلىكتەرىنە توقتالدى. «قازىلىق وتە ايقىن جانە شىنايى بولدى, ءبىلىمپاز بالالاردىڭ دەڭگەيىن كورىپ قۋانىپ تا جاتتىق, الايدا ءبىر ايتا كەتەر جايت, «پلاگيات» جۇمىستار دا بولدى. سوندىقتان بولاشاقتا ءوز ويلارىڭىزدى, پىكىرلەرىڭدى جەتكىزىپ ۇيرەنىڭىزدەر. جۇلدەلى ورىن العان بارلىق بالالار ءوز ويلارى مەن پىكىرلەرىن جەتكىزە الىپ, ءال-فارابي بابامىزدىڭ ەڭبەكتەرىنە قاتىستى ويلارىن ءبىلدىرىپ, بۇگىنگى كۇنمەن دە ۇشتاستىرا العان» دەدى قازىلار القاسىنىڭ توراعاسى.
«ءال-ءفارابيدىڭ ءومىربايانى, ۇلى وي̆شىلدىڭ رۋحاني مۇراسى», «ءال-ءفارابيدىڭ عىلىمي-شىعارماشىلىق ەڭبەكتەرى تۋرالى», «ءال-ءفارابيدىڭ الەم عىلىمىنا قوسقان ۇلەسى», «ءال-فارابي يدەيالارىنىڭ بۇگىنگى قوعاممەن ساباقتاستىعى» ءتارىزدى ەركىن تاقىرىپتارعا جازىلعان مازمۇندى ماتەريالدار اراسىنان ۇزدىك ەسسە جۇمىستارى ىرىكتەلىپ الىندى. قازىلار القاسىنىڭ شەشىمىمەن 2 نوميناتسيا بويىنشا مەكتەپ وقۋشىلارى جانە جوو مەن كوللەدج ستۋدەنتتەرى اراسىندا وتكىزىلگەن كونكۋرس جەڭىمپازدارى مەن جۇلدەگەرلەرىنە باعالى سىيلىقتار تابىستالدى.
