بيىل قازاقستاندا قىزىلشامەن اۋراتىندار سانى ارتۋى مۇمكىن. بۇل ەلىمىزدە ءاربىر 8-10 جىلدا قايتالانىپ وتىراتىن دەرتتىڭ وشاعىمەن بايلانىستى بولىپ وتىر. بۇل تۋرالى قر پرەزيدەنتi جانىنداعى وكق وتكەن بريفينگ بارىسىندا قر تۇتىنۋشىلاردىڭ قۇقىقتارىن قورعاۋ اگەنتتىگى توراعاسىنىڭ ورىنباسارى – باس مەملەكەتتىك سانيتارلىق دارىگەر جانداربەك بەكشين ءمالىم ەتتى.
«رەسپۋبليكادا قىزىلشانىڭ ءورشۋى 2005 جىلى بايقالىپ, ون التى مىڭنان اسا ادامنىڭ ناۋقاستانعانى تىركەلدى. ەپيدەميولوگيالىق جاعداي حالىققا جاپپاي ۆاكتسينا ەگۋ جۇرگىزگەننەن كەيىن عانا باسەڭدەگەن. ءبىر جىلدا 1,5 ميلليون ادام قىزىلشاعا قارسى ەگىلدى» دەدi ج.بەكشين.
ونىڭ ايتۋىنشا, 2013 جىلى 73, ال, 2014 جىلدىڭ بەس ايىندا ەلىمىزدە قىزىلشا اۋرۋىنىڭ زەرتحانادا انىقتالعان 167 وقيعاسى تىركەلىپ وتىر.
