رىباكينا ريزاشىلىعىن ءبىلدىردى
![](https://astana-akshamy.kz/wp-content/uploads/2022/07/3728a040011eba19cd88e8b7aa0ca.jpg)
جاقىندا عانا «ۋيمبلدون-2022» ءتۋرنيرىن جەڭىپ العان ەلەنا رىباكينا وزىنە بەرىلگەن قاراجاتتىڭ ءبىر بولىگىن قايىرىمدىلىققا جۇمسادى.
فرانتسيا استاناسىندا وتكەن «ۇلكەن دۋلىعا» تۋرنيرىندە جەڭىسكە جەتكەن ەلەنا رىباكينا 2 ميلليون فۋنت ستەرلينگ قاراجاتقا يە بولعانى بەلگىلى. سونىمەن قاتار قازاقستان تەننيس فەدەراتسياسى دا وسى تاريحي جەڭىس ءۇشىن ەلەناعا قوماقتى قارجىلىق سىيلىق ۇسىنعان ەدى. الايدا قازاقستاندىق تەننيسشى فەدەراتسياعا ريزاشىلىعىن ءبىلدىرىپ, بولىنگەن قاراجاتتى قايىرىمدىلىققا جۇمساۋعا شەشىم قابىلداپتى. اتاپ ايتقاندا, سىياقىنىڭ باسىم بولىگى قازاقستاندىق ءجاسوسپىرىم تەننيسشىلەرگە قولداۋ كورسەتۋگە باعىتتالاتىن بولسا, قالعان بولىگى نۇر-سۇلتان قالاسىنداعى جانۋارلار پاناحاناسىنا بەرىلەتىن بولدى.
شەتەلدىك سپورت قاۋىمداستىعىنىڭ وكىلدەرى رىباكينانىڭ بۇل قايىرىمدىلىق ءىسىن جوعارى باعالاپ, قازاقستاندىق سپورتشىعا ريزاشىلىعىن ءبىلدىرىپ, سپورتتاعى مانسابىنىڭ جوعارىلاي بەرۋىنە تىلەكتەستىك بىلدىرۋدە.