نۇر-سۇلتان قالاسىندا «ساكەننىڭ ونەگەلى جولى» تاقىرىبىندا ءومىرى مەن شىعارماشىلىعى ادىلدىك پەن ادالدىق قاعيدالارىمەن ۇشتاسقان ساكەن سەيفۋلليننىڭ رۋحاني-ادامگەرشىلىك مۇراسىنا ارنالعان ءداستۇرلى ونلاين ادالدىق ساعاتى ءوتتى.
ساكەن سەيفۋللين – مەملەكەت جانە ساياسي قايراتكەر, اقىن جانە جازۋشى, قازىرگى قازاق ادەبيەتىنىڭ نەگىزىن قالاۋشىلاردىڭ ءبىرى. ول قازاق حالقىنىڭ جاندانۋى مەن وركەندەۋى ءۇشىن ءوز ءومىرىن قيعان قازاق قايراتكەرلەرىنىڭ توبىنا جاتادى. ساكەن سەيفۋلليننىڭ سان قىرلى كۇردەلى بولمىسىنداعى ەرەكشە قاسيەتتەرىنىڭ ءبىرى – جاس ۇرپاقتىڭ ءبىلىم-عىلىمىنا دەگەن ادالدىعى. حالىق كوميسسارلار كەڭەسىنىڭ توراعاسى بولعان كەزىندە ءبىلىم الۋشى جاستارعا العاش رەت شاكىرتاقى تاعايىنداپ, «قازاق جاستارى الەمنىڭ مىقتى وقۋ ورىندارىندا ءبىلىم الۋى ءتيىس» دەگەن يدەيا كوتەردى. جاس ۇرپاقتى پاريوتتىققا, وتانىن سۇيۋگە, حالىق تىلەگىن ءىس جۇزىنە اسىرۋدا قانداي قاۋىپ قاتەردەن دە قورىقپاي, قيىندىقتى جەڭە ءبىلۋدى ۇلگى ەتۋدە ساكەندەي تۇلعانىڭ ورنى ەرەكشە.
