اقپاراتتىق تەحنولوگيالاردىڭ دامۋى, ينتەرنەت مۇمكىندىكتەرىن پايدالانۋدىڭ كەڭەيۋى ۇسىنىلاتىن ەلەكتروندى قىزمەتتەردىڭ, سونىڭ ىشىندە سالىق سالاسىنداعى قىزمەتتەردىڭ دە ارناسىن ۇنەمى كەڭەيتىپ وتىرۋعا ىقپال جاساۋدا. بۇل, ەڭ الدىمەن, سالىق ەسەپتىلىگىن وڭدەۋ جۇيەسىنىڭ (سونو) ەنگىزىلۋىمەن, «ەلەكتروندى ۇكىمەت» www.e.gov.kz ۆەب-پورتالىنىڭ, Web-قوسىمشاسىنا «سالىق تولەۋشى كابينەتى» جۇمىس ىستەۋىمەن بايلانىستى.
مىڭداعان سالىق تولەۋشىلەر دەكلاراتسيالاردى قاعاز تۇرىندە تاپسىرۋدىڭ ءداستۇرلى فورماسىنان باس تارتىپ, «ەلەكتروندى» سالىق تولەۋشىلەر قاتارىنا ءوتىپ, قازىرگى اقپاراتتىق تەحنولوگيالاردىڭ ءسوزسىز باسىمدىقتارى بارىنا كوز جەتكىزىپ ۇلگىردى. وسىعان وراي بارلىق سالىق تولەۋشىلەردى ەلەكتروندى جولعا وتۋگە اسىعۋعا شاقىرامىز.
ۆيرتۋالدى «سالىق تولەۋشى كابينەتى» ارقىلى ينتەرنەت كومەگىمەن دەكلاراتسيالاردى ەلەكتروندى تۇردە تاپسىرۋدىڭ وڭ تۇستارى ايقىن. ەڭ الدىمەن, بۇل – سالىق ورگانىنا كەلمەي-اق دەكلاراتسيالاردى كومپيۋتەر ارقىلى تاۋلىكتىڭ كەز كەلگەن ۋاقىتىندا, ءتىپتى دەمالىس كۇندەرى مەن مەرەكە كۇندەرىندە دە تاپسىرۋ مۇمكىندىگى, قۇجاتتاردىڭ دۇرىستىعىنا كەپىل بولۋ, سالىق بلانكىلەرىنىڭ جىلدام جاڭعىرتىلۋى, قاعاز جەتكىزگىشتە كوشىرمە جاساپ, ونى ساقتاۋدىڭ قاجەت ەمەستىگى, قاعاز كۇيىندەگى ەسەپتىلىكتى ساقتاپ, ارحيۆ جاساۋ قاجەتتىگىنىڭ بولماۋى, بلانكىلەردى ساتىپ الۋعا قاراجات شىعىنداماۋ.
بىلايشا ايتقاندا, «ەلەكتروندى» سالىق تولەۋشىلەر سالىق ورگانىنىڭ جۇمىس رەجيمىنە تاۋەلدى ەمەس. ينتەرنەتكە شىعا الاتىن ءار سالىق تولەۋشى قر قم سالىق كوميتەتىنىڭ پورتالىندا رۇقسات بەرىلمەگەن قول سۇعۋدان قورعالعان جەكە ءبولىم اشا الادى.
ءسىز ينتەرنەت ارقىلى ءوز ۆيرتۋالدى كابينەتىڭىزگە قوسىلىپ, كەيىن سالىق ورگانىندا وڭدەلۋ ءۇشىن سالىق ەسەپتىلىگى نىساندارىن ەلەكتروندى تۇردە تولتىرىپ تاپسىراسىز. «سالىق تولەۋشى كابينەتى» Web-قوسىمشاسى ينتەرنەتتى عانا قولدانا وتىرىپ, سالىق تولەۋشىگە ىڭعايلى كەز كەلگەن جەردەن كوپتەگەن قىزمەتتەردى پايدالانۋعا مۇمكىندىك بەرەدى, دالىرەك ايتساق:
سالىق ەسەپتىلىگى نىساندارىن دايىنداۋ مەن تاپسىرۋ;
حابارلامالار الۋ;
وڭدەۋ ساتىلارىن قاراپ شىعۋ;
بۇرىن تاپسىرىلعان سالىق ەسەپتىلىگى نىساندارىن ىزدەۋ مەن قاراپ شىعۋ;
سالىقتار, باسقا دا مىندەتتى تولەمدەر, ءوسىمپۇلدار, ايىپپۇلداردى ەسەپكە الۋ مەن قايتارۋ تۋرالى سالىقتىق ءوتىنىش بەرۋ;
سالىقتىق بەرەشەكتىڭ, مىندەتتى زەينەتاقى جارنالارى مەن الەۋمەتتىك اۋدارىمدار بويىنشا بەرەشەكتىڭ بولماۋى جانە (نەمەسە) بولۋىنا قاتىستى اقپارات الۋ تۋرالى سالىقتىق ءوتىنىش بەرۋ;
سالىق تولەۋشىنىڭ تاراتىلۋىنا بايلانىستى قۇجاتتىق تەكسەرىس جۇرگىزۋ تۋرالى سالىقتىق ءوتىنىش بەرۋ;
سالىقتىق تەكسەرىس ناتيجەلەرىنە شاعىم بەرۋ رەجيمى (بەرىلگەن شاعىمنىڭ قارالۋ ساتىلارىن باقىلاۋ);
مۇلىك سالىعى مەن جەر سالىعىنىڭ سومالارى تۋرالى حابارلامالار;
تىركەلگەن سالىق سالۋ وبەكتىلەرى تۋرالى اقپارات الۋ;
كامەرالدى باقىلاۋ ناتيجەلەرى تۋرالى حابارلامالار;
ەلەكتروندى قۇجاتتار تۇرىندەگى سالىق ەسەپتىلىگى نىساندارىنىڭ يمپورت/ەكسپورتى;
جەكە تىركەۋ مالىمەتتەرىن قاراپ شىعۋ;
دەربەس شوتتاردى قاراپ شىعۋ, سالىستىرۋ اكتىلەرىن الۋ, دەربەس شوتتان كوشىرىپ الۋ;
كەدەن وداعى شەڭبەرىندەگى سالىق ەسەپتىلىگىن تاپسىرۋ (320, 328);
الكوگول ونىمدەرىن جىبەرۋ بويىنشا ىلەسپە جۇكقۇجاتتاردى ەسەپە الۋ جانە ت.ب.
«سالىق تولەۋشى كابينەتىندە» جۇمىس ىستەۋ ءۇشىن كريپتوگرافيالىق كىلت كەرەك, ول قر قم سالىق كوميتەتىنىڭ كۋالاندىرۋشى ورتالىعىمەن بەرىلەدى. «سالىق تولەۋشى كابينەتى» Web-قوسىمشاسىنا www.cabinet.salyk.kz مەكەن-جايى بويىنشا كىرۋگە بولادى, «سالىق تولەۋشى كابينەتى» ينتەرفەيسىنىڭ ىڭعايلى كومەك كورسەتۋ جۇيەسى بار, وندا قىزمەتتەردى قولدانۋدىڭ ءماتىن فورماتىندا دا, بەينەفورماتتا دا انىق كورسەتىلگەن نۇسقاۋلىعى بار.
ءدال وسىلايشا سالىق ەسەپتىلىگى نىساندارىن تاپسىرۋ بويىنشا قىزمەت كورسەتەتىن «سالىق تولەۋشى تەرمينالدارى» ءار اۋداندىق سالىقتىق باسقارمادا جۇمىس ىستەيدى. سۇراقتار پايدا بولعان جاعدايدا, سالىق ينسپەكتورلارى كەڭەس بەرىپ, كومەك كورسەتەدى. ءارى بۇل قىزمەتتەر تەگىن كورسەتىلەدى, بۇل دا اسا ماڭىزدى تۇستاردىڭ ءبىرى. اتالعان ايقىن باسىمدىقتاردىڭ سىرتىندا سالىق تولەۋشىلەر سالىق ەسەپتىلىگىنىڭ قابىلدانۋى مەن وڭدەلۋى تۋرالى اقپاراتتى, ياعني ەلەكتروندى پوشتامەن جىبەرىلگەن حاتتىڭ جەتكىزىلۋى تۋرالى حابارلاما الادى. حابارلامادا سالىق ەسەپتىلىگىنىڭ تاپسىرىلۋ جانە وڭدەلۋ كۇنى, سالىق تولەۋشىنىڭ دەربەس شوتىنا تۇسەتىن اۆتوماتتى ەسەپتەمەلەر تۋرالى اقپارات, ونىڭ سوماسى, بيۋدجەتتىك توپتاستىرىلۋ كودى جازىلادى.
ەسەپتىلىكتى ەلەكتروندى جولمەن جىبەرەتىن اقپاراتتىق جۇيە اقپاراتتىڭ زاڭسىز قول سۇعۋدان قورعالۋىنا, جەتكىزىلۋىنە جانە جەتكىزىلگەن مالىمەتتەردىڭ وزگەرتىلمەيتىندىگىنە كەپىل بولاتىنى دا ماڭىزدى جايت بولىپ تابىلادى. ەلەكتروندى قىزمەتتەردى پايدالانا وتىرىپ, ءسىز ءوزىڭىزدى سالىق باسقارماسىنا قوسىمشا بارۋدان ارىلتاسىز ءارى ءبىراز ۋاقىتتى ۇنەمدەپ, سەرۆيستەرمەن جۇمىس ىستەۋ داعدىلارىنا يە بولاسىز.
