رەسمي دەرەككە سۇيەنسەك, ەلىمىزدە 2018 جىلدىڭ قورىتىندىسى بويىنشا, 1,4 ملن جەكە تۇلعانىڭ 20,9 ملرد تەڭگە سالىقتىق بەرەشەگى بولدى. ونىڭ نەگىزگى بورىشى – 14,3 ملرد تەڭگە, ءوسىمپۇلدار – 6,6 ملرد تەڭگە. ياعني, كامەلەتكە تولعان حالىقتىڭ 10 پايىزدان استامى مەملەكەتكە قارىز. بۇل جونىندە ورتالىق كوممۋنيكاتسيا قىزمەتىندە وتكەن ءباسپاسوز ءماسليحاتىندا قر قارجى مينيسترلىگى مەملەكەتتىك كىرىستەر كوميتەتى توراعاسىنىڭ ورىنباسارى ج.ىڭكارباەۆ ءمالىم ەتتى.
ونىڭ ايتۋىنشا, 2019 جىلدىڭ 4 شىلدەسىندە قر پرەزيدەنتى ق.توقاەۆ قول قويعان سالىقتىق راقىمشىلىق جۇرگىزۋ تۋرالى زاڭعا سايكەس, سالىقتىق راقىمشىلىق ەرەجەسى بەكىتىلدى.
بۇگىنگى كۇنگە دەيىن 40 مىڭنان استام جەكە تۇلعا سالىقتىق امنيستياعا ىلىكتى. اقپان ايىنان باستاپ زاڭدى تۇلعالارعا, اتاپ ايتقاندا, شاعىن جانە ورتا كاسىپكە سالىق امنيستياسى جۇرگىزىلۋدە. ول بويىنشا 90 مىڭ سالىق تولەۋشى امنيستياعا ءىلىنىپ, 210 ملرد تەڭگەگە جەڭىلدىك جاسالادى. قازىرگى كەزدە 40 212 سالىق تولەۋشىگە سالىقتىق امنيستيانى قولداندى. 40 مىڭنان استام امنيستياعا ىلىككەن سالىق تولەۋشىدەن مەملەكەت قازىناسىنا 7,7 ملرد تەڭگە تۇسكەن.
