– 2023 جىلعى 19 ناۋرىزعا تاعايىندالعان قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىن سايلاۋ قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىندا كورسەتىلگەن باسىمدىقتاردىڭ ورىندالۋىن, مەملەكەتتىك باسقارۋ جۇيەلەرىن تولىق ترانسفورماتسيالاۋدى اياقتاعان ءساتتى نۇكتەسى بولدى. مەملەكەت باسشىسىنىڭ ساياساتىنىڭ جۇيەلى جۇرگىزىلىپ كەلە جاتقانىن ءدۇيىم جۇرت, كوزى اشىق, كوكىرەگى وياۋ ەلىمىزدىڭ ازاماتتارى كورىپ وتىر. «حالىق ۇنىنە قۇلاق اساتىن مەملەكەت» تۇجىرىمداماسىنا ساي وتكەن بۇل سايلاۋدا پارتيالىق تىزىممەن قاتار, ماجوريتارلىق جولمەن جەرگىلىكتى تۇرعىندار تاڭداعان جانە ايماقتىڭ بارلىق پروبلەمالارىنا قانىق ازاماتتار دەپۋتاتتىق مانداتتى يەلەندى. بۇل 2022 جىلعى 5 ماۋسىمدا وتكەن رەسپۋبليكالىق رەفەرەندۋمدا قابىلدانعان كونستيتۋتسياداعى جاڭا وزگەرىستەردىڭ ارقاسىندا مۇمكىن بولدى. سايلاۋدى باقىلاعان بىرنەشە حالىقارالىق ۇيىمدار دا بۇل سايلاۋدىڭ ءادىل وتكەنىن بيىك مىنبەرلەردەن ايتىپ تا, بۇقارالىق اقپارات قۇرالدارى ارقىلى جازىپ تا جاتىر. سايلاۋدىڭ, ودان بۇرىن وتكەن رەفەرەندۋمنىڭ بارلىق تالاپتارعا ساي وتكىزىلۋى, وعان حالىقتىڭ داۋىس بەرۋگە سايلاۋ ۋچاسكەلەرىنە كەلۋى – بولاشاعىنا الاڭدايتىن ازاماتتارىمىزدىڭ كوپتىگىن اڭعارتادى, سول ارقىلى تاڭداۋ ەركىندىگىنىڭ ماڭىزى جوعارى ەكەنىن, «جاڭا قازاقستان» قۇرۋعا حالىق سەنىمىنىڭ مول ەكەنىن كورە الامىز.
امانكەلدى بودانوۆ,
استانا قالاسى ءى.ەسەنبەرلين اتىنداعى №67 گيمنازيانىڭ قازاق ءتىلى مەن ادەبيەتى ءپانى مۇعالىمى, پەداگوگيكا عىلىمدارىنىڭ ماگيسترى
