2009 جىلى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ فيلولوگيا فاكۋلتەتىندە اشىلعان تەاتر العاشقىدا «شامشىراق» دەپ اتالدى. 2011 جىلى «شاڭىراق» بولىپ وزگەردى. بيىل بۇل تەاتر ۇلت ۇستازى احمەت بايتۇرسىنۇلىنىڭ 150 جىلدىعىنا وراي «كاتارسيس» قويىلىمىن ساحنالادى.
قويىلىم احمەت بايتۇرسىنۇلىنىڭ «قىرىق مىسال» شىعارماسىنىڭ جەلىسىمەن جازىلدى. ارتىندا ومىرشەڭ ءسوزى قالعان احمەتتىڭ مۇراسى ساحنادا قايتا تىرىلگەندەي بولىپ كورىندى. جان-جانۋارلاردىڭ كەيپى ارقىلى قوعامداعى وتىرىك پەن اقيقات, جاقسىلىق پەن جاماندىق, ادىلدىك پەن ارامدىق سۋرەتتەلدى.
قويىلىمنىڭ باستى كەيىپكەرلەرى – قۋ تۇلكى, اڭ پاتشاسى – ارىستان جانە ماسا. سپەكتاكلدىڭ ينستسەنيروۆكاسىن جازعان – ابزال ماقاش, رەجيسسەرى – ەركەبۇلان اۋەلبەك. ەكەۋى دە فيلولوگيا فاكۋلتەتىنىڭ 3-كۋرس ستۋدەنتى. بۇل – درامالىق شىعارما جازۋداعى ابزالدىڭ, ال رەجيسسەر رەتىندە ەركەبۇلاننىڭ العاشقى جۇمىسى. قويىلىمنىڭ تاعى ءبىر ەرەكشەلىگى – ۋنيۆەرسيتەتىمىزدىڭ ءبىرىنشى كۋرس ستۋدەنتتەرى ساحنالادى.
الماگۇل تاستانوۆا, جۋرناليستيكا جانە
ساياساتتانۋ فاكۋلتەتىنىڭ 3-كۋرس ستۋدەنتى
