كەشە استانا قالالىق پروكۋراتۋراسىنىڭ «جاسوسپىرىمدەر قىلمىسىنىڭ الدىن الۋدى جاڭعىرتۋ» جوباسى اياسىندا «استانا» فۋتبول كومانداسىنىڭ ويىنشىلارى جاسوسپىرىمدەرگە شەبەرلىك ساباعىن وتكىزدى.
«استانا ارەنا» ستاديونىندا وتكەن شارا بارىسىندا كاسىپقوي فۋتبولشىلار ءجاسوسپىرىم ورەندەرگە دوپ تەبۋدىڭ ءادىس-تاسىلدەرىن كورسەتتى.
– «استانا» پرەزيدەنتتىك كلۋبى مەن قالالىق پروكۋراتۋرا جاسوسپىرىمدەردى سپورتقا باۋلۋ جونىندە مەموراندۋمعا قول قويعان بولاتىن. بۇگىنگى شەبەرلىك ساباققا ەلورداداعى №39 كەشكى مەكتەپتىڭ وقۋشىلارى تارتىلدى. وسكىن ورەندەردىڭ سپورتقا دەگەن قىزىعۋشىلىقتارىن ارتتىرۋ ءۇشىن وسىنداي شارالاردى ۇنەمى وتكىزۋ كەرەك, – دەيدى استانا قالاسى پروكۋرورىنىڭ اعا كومەكشىسى دانا مۋلاكوۆا.
«استانا» فۋتبول كلۋبىنىڭ قورعاۋشىلارى ابزال بەيسەبەكوۆ پەن ەۆگەني پوستنيكوۆ جينالعان وقۋشىلارعا وزدەرىنىڭ تىلەكتەرىن ايتتى. شارا سوڭىندا جاسوسپىرىمدەرگە فۋتبولشىلار ارنايى سىيلىقتاردى تابىس ەتتى. سول سياقتى الداعى كۇندەرى «استانا ارەنا» ستاديونىندا وتەتىن «استانا» مەن «وقجەتپەس» كوماندالارىنىڭ ويىنىنا بالالارعا اتا-انالارىمەن بىرگە كىرۋ ءۇشىن بيلەتتەر سىيعا بەرىلدى.
نۇرداۋلەت كاكىشەۆ
