استانا قالاسى قوعامدىق دەنساۋلىق ساقتاۋ باسقارماسى اۋا تەمپەراتۋراسىنىڭ جوعارىلاۋىنا بايلانىستى ساقتىق شارالارىن قولدانۋعا كەڭەس بەرەدى.
جازدىڭ اپتابىندا كۇن ءوتىپ, ادام دەنساۋلىعى كەنەتتەن ناشارلاۋى مۇمكىن. وسىنداي كەزدە ەڭ
باستىسى اعزاداعى سۋ-تۇز تەڭگەرىمىن باقىلاپ, ساقتانۋ كەرەك. ونىڭ تەپە-تەڭدىگىن ساقتاۋ ءۇشىن مينەرالدى تۇزدار مەن ۆيتاميندەرگە باي جەمىس-جيدەكتى جەگەن ءجون.
قاتتى ىستىقتا باس كيىمسىز جۇرمەڭىز, ءتۇرلى جاتتىعۋلار جاساپ, سپورتپەن شۇعىلدانۋدى ازايتقان ءجون. اپتاپتا شىجىعان كۇننىڭ استىندا قاقتالماي, كولەڭكەنى تاسالاپ, تىم بولماسا سۋلى سۇلگىمەن ءجيى سۇرتىنگەن جاقسى.
جۇرەك-قان تامىرلارى اۋرۋىمەن اۋىراتىن ادامدار وسىنداي ىستىقتا دارىگەرلەردىڭ نۇسقاۋلارىن ساقتاۋى ءتيىس. ۋاقىتىندا ءتيىستى ءدارى-دارمەكتى ءىشىپ, ارتەريالىق گيپەرتونيامەن اۋىراتىندار ءاردايىم ارتەريالدى قىسىمدى ولشەپ, مولشەرىن ءبىلىپ وتىرعان ءجون.
